شويه حراميه

هحكيلكم على قصه بقت منتهيه
قصه ابطالها شويه حراميه
افتكروا في يوم ان اللعبه متداريه
وان سرهم في بطنهم والعمليه متغطيه
نصبوا وسرقوا وافتكروها هديه
وكلو بقا عايز يكوش على التورته ديه
باعو الارض وقالوا ما هي
كده كده هتلف وجايه
متر مترين او قول
300
ماهو محدش كان بيحاسب على الصحره النقيه
جابو المرض والاوبئه الغير منتهيه
سل وكبد وسرطان على شويه حاجات تانيه
كوشوا على الاملاك والشرابيه
ده حتى صيتهم وصل لللاتينيه
نبشوا ورفضوا تماما الحريه
لحد ما بقت اصواتنا متداريه
لو شافوك في مظاهره يعملولك قضيه
سلميه حربيه والله ما هيسبوك الليله ديه
يغموا عينك وابقا قابلني لو حد عرفلك ملامح عاديه
وابقا سلملي على الحريه
يا عيني عليا وانته متشرح التشريحه اللي هي
ويقولولك اصل مات من قله التهويه
تيجي امك تصرخ وتقول كان مالنا بالحراميه
هي دي قصه الحراميه اللي حولوا البلد لقضيه
وبقت في الادراج مرميه
وافتكروا انها بقت منسيه
ما فكروش يوم في ثوره شعبيه
تحط على دماغهم من شباب الحريه
30 سنه ظلم وجراح ابديه
لكن شويه ايام وضعوا حد للتمسليه
بس قبل ما يختموا لازم يقتلوا شويه
شهداء ابرياء كانوا هما الضحيه
ضحيه الم وخداع وشرطه مستقويه
ودبابير خربت على نفسها عش الوهميه
وبكده خلصت المسرحيه
مسراحيه الحراميه
بقلم: حسني مبارك

محدش هيقرأ ولا ايه

ما فكروش يوم في ثوره شعبيه
تحط على دماغهم من شباب الحريه
30 سنه ظلم وجراح ابديه
لكن شويه ايام وضعوا حد للتمسليه


جامد يا ابوحميد

10/10
كلمات رائعة انت مبدع يا احمد
استمر

شكراااا يا رجاله معلش الرد متأخر علشان الثانويه سوري

شكراااااا يا ضياء ع المرور