الرئيسية
السلام عليكم و رحمة الله و بركاته
كنت بتفرج على برنامج الحقيقه لوائل الابراشي من شوية و كان معاه محامى جايب قلم حبر صيني جديد كارثه
القلم دا نازل بنوعين ,, الاول الكتابه بتاعته بتتمسح لما تتعرض للنار
و التانى الكتابه بتاعته بتتمسح بعد يومين او تلاته من نفسها !
خطورة القلم الأول فى العقود و الامضاءات لان كدا ممكن أمضي لواحد عقد ايجار شقه مثلا يروح هو ماسح الكلام اللى على عقد الايجار و يخليه عقد بيع !!
او اى حاجه تانيه و دى طبعا هتتسبب فى مصايب !
اما خطورة القلم التانى فأغلبها فى موضوع الشيكات لان ممكن انا مثلا اكتب شيك لشخص ما بالقلم دا و هو يروح يصرفه و بعدها انا اروح للبنك اقولهم ان انا معملتش شيكات و اطلب منهم اشوف الشيك و لما يطلعوه يلاقو الورقه بيضه !! .. لان طبعا الكتابه بتتمسح من نفسها !!
القلم اتمنع فى مصر و قالو فى البرنامج انه اللى بيتمسك بيه بيتعمل له قضية بس على مين دا مفيش اكتر من الحرميه و النصابين !!
الكل ينتبه بقا للموضوع دا و ياخد باله قبل ما يمضي على حاجه ..
الصين هتخلينا نبيع هدومنا
