أتجوز (^_^)!!

^_* صراع البنت المصرية مع الزوجة الصينية



أنا من موقعى هذا...بقول للصيــــــــــن



حرام عليكوا...بنات مصر بتتدمر بسببكوا

هههههههههههه


مصر لوحدها و بلا فخر معدلات العنوسة و الطلاق فى الطالــــــــع



محدش بيقولهم رايحين فين







فالبنات تعمل ايه بقى؟؟؟؟



1-

أصاحب ولاد فى الكلية و يبقى عندى شلة ولاد..أخرج معاهم و نتفسح و نروح النادى مع بعض





تحت شعار أنا عايزة أتجوز



2-

مش هتحجب علشان ألفت نظر الولاد..بس ده و الله لغاية أما أتجوز بس و بعد كده هلبس الحجاب الشرعى على طووووووول



برضه تحت شعار أنا عايزة أتجوز



3-

ألبس ضيق و أحط ميك آب..علشان جمالى يبان أكتر



مش بقولكوا يا جماعة أنا نفسى أتجوز؟؟؟



4-



ميبقاش عندى حياء



لالالالا كله إلا الحياء



طيب و الحياء قالنا



إن البنت تعاكس الولد؟؟



يا ستى و إنتى مالك..الولاد دول نعمة من عند ربنا

تقولك :-

و أنا واحدة بتقدر الجمال

و بعدين أنا مش بقولهم فى وشهم...أنا بتكلم مع أصحابى البنات يعنى مفيش حد سامعنا





امممممممممم



آه قولى كده بقى ..يعنى أنا كده اللى غلطان؟؟



ربنا قالك قدرى الجمال و ما تغضيش بصرك و اقعدى بصى للولد ده

و اشكرى فى جيل الولد ده

و يا سلام ع ماشيته

و للا لون عينيه؟؟



ربنا قالك كده؟؟



طيب شوفى معايا الآية دى



بسم الله الرحمن الرحيم



وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ

ها..الغض ده ربنا قاله للولاد بس و للا قاله ليكى إنتى كمان؟؟





5-

أقعد أكلم صاحبى فى التليفون ليل نهار و أنسى الفروض و الصلاة و القرآن اللى كنت بقراه



ما هو برضه لحد أما أتجوز





6-

أتفرج على المسلسل بتاع عايزة أتجوز...أو اقرا الكتاب بتاعه



علشان أشوف هى عملت ايه..و ازاى هتلقط العريس علشان أبقى أعمل زيها



يووووووه بقى...بقولك نفسى أتجوز







أنا سيبتك تتكلمى أختى فى الله كل الكلام اللى فات ده



ممكن تسمعينى أنا بقى؟؟



صاحبتى..مشيتى..قلعتى الحجاب..حطيتى ميك آب



العريس مش هيجى برضه؟؟



ايه ده إنتى بتتكلم بجد؟؟



أيوة بتكلم بجد



اللى ربنا عايزه هيكون



عايزك تتجوزى من فولان الفولانى

هتتجوزيه



..عايزك تفضلى عانس على طول

يبقى هتفضلى عانس على طول



بس أنا هحاول علشان مش أعنس



حاولى مرة و اتنين و مليون

و برضه لو ربنا مش عايزك تتجوزى مش هتتجوزى



و لو حتى اتجوزتى بعد التنازلات دى كلها



خروجك مع فولان الفولانى و غضب ربنا على العلاقة اللى لسه لا شافت خطوبة و لا جواز و ما هى إلا صحوبية



و غضب ربنا عليكى فى كونك سيبتى فروضه علشان سعادة ذائلة



عمره ما هيخليلك يبقى فيه بركة فى الجوازة دى



ده ممكن اللى انتى كنتى شايفاه



الفارس أبو حصان ابيض



يطلع فيه كل عيوب الدنيا



و يكرهك فى عيشتك



سؤال بجد و الله نفسى أسأله لبنات 2010



إنتوا مستعجلين على الجواز ليــــــــه؟؟



نفسك تصحى الصبح تعملى الفطار لجوزك...تروحى الشغل ترجعى تعملى الغذا.. جوزك يجى يروح طالب الاكل..تتفضلى تغرفى له..و بعدين تبقى أم..ولادك يطعوا عينك..و جوزك يبتدى يتخانق معاكى..و كل يوم مشوار عند مامتك بشنطتك

سايبة البيت زعلانة..و مامتك تقولك لا و الله مش ليكى غير جوزك





مستعجلين ع ايه؟؟؟؟

تعرفوا ان فى الهند و الكلام ده بجد

البنت هى اللى بتتقدم للولد و بتدفع له المهر؟؟؟؟

حابين تبقوا زى الهنودسيين اللى بيعبدوا شوية أصنام و تماثيل و العياذ بالله؟؟



البنت لو عدت سن ال 18...بيعتبروها خلاص القطر سابها



تفكير رجعى جدا بجد..لسه بتبقى فى كلية و مش فاهمة يعنى ايه جواز و يعنى ايه تحمل المسئولية و تتجوز ولد عنده 20 سنة كان لسه من كام شهر بياخد مصروفه من والده



و فجأة يبقى طلاق



ليه؟؟؟؟؟؟



لأنهم لسه صغيرين لا فاهمين يعنى ايه أم و للا يعنى ايه اب

و لا يعنى ايه اصلا تحمل مسئولية بيت كامل


كفاية بقى تنازلات تحت شعار انا عايزة أتجوز



كفـــــــــــــــاية

نصيبك هيجيلك لحد عندك...ممكن تستنيه؟؟
و ممكن كمان تعرفى أختى فى الله...إن بعد التنازلات اللى قولتلك على بعضهم فوق دى...عمرها ما هتعجب شاب ملتزم

يعنى فى الآخر هتعجبى فئة من الشباب هما أصلا مش كويسين

لأنه ساعتها هيكون ديوث ...تقبلى زوجك يكون ديوث؟؟؟؟


و أنت يا أخى الكريم...ممكن تستنى بنت الحلال الملتزمة و مش بس تبص على الجمال و المال؟؟




ممكن؟؟

أتمنى الموضوع يعجبكم..و أتمنى أعرف آرائكم هل إنتوا متفقين معايا و لا لا

فى إنتظار آرائكم

لا متخافش على بنات مصر الصين طلعت بتخاف عليهم اكتر
وعشان كده نزلت العريس الصينى اوعى تكون متعرفش ده متوفر حاليا بالاسواق
وكمان نازل بلونين الاحمر والازرق ومعاه الكاتالوج منعا لحدوث المشاكل ههههههه

والله اللى يعيش ياما يشوف انها حقا مهزلة
بس انا مش شايفة ان فى اى داعى انك تحذر البنات من دخول المنافسة يعننى الفكرة نفسها مرفوضة البنت هتنافس مين وعشان ايه بناقص الجواز خالص يعنى اللى اتجوزوا عملوا ايه المشكلة فى الناس اللى ممكن تتنازل وتوافق فعلا على حاجة زى دى مش متخيلة والله بس يلا خلى الصين تدخل البلد بجد ونقسم البلد بينا بالنص والعيال تتوه فى بعضها والناس كلها تبقى شبه بعض
بس بقى عشان الموضوع ده لما بيتفتح بتنرفز كفايه عليك كده

هههههههههههه كفايه عليك كده هو كان لسه فيه ولا ايه عموما نورتي الموضوع