الرئيسية
السلام عليكم ورحمة الله وبركاته
انهارده هنتكلم على موضوع ماتشات الكوره اللى مبقاش ييجى من وراها غير الصداع
كنا الاول بنتخانق فى ماتشات الاهلى والزمالك والاسماعيلى
زادت شويه وبقينا نتخانق فى ماتشات المنتخب
ودلوقتى فى بطولة افريقيا
ايه الحكايه هى خناقة علطول ولا المفروض انها رياضة
بنحب يبقى شكلنا حلو اوى قدام المنتخبات الاوروبية والاندية الاوروبية
لكن مع حد تانى مش بتفرق معانا لامصرى زينا ولا عربى ولا مسلم ولا اى حاجه
احنا عاوزين نوصل لفين
وطبعا بما اننا هنتكلم ف الكوره يبقى لازم نفتح موضوع الجزائر بما انه اتكرر تانى
وبلاش بقى موضوع هما اللى غلطانين وهما اللى المفروض مش عارف كانو عملو ايه
احنا برضو غلطانين
عاوزين رأيكم فى الموضوع بشكل عام فى موضوع الكوره اللى بتفرق الشعوب والمسلمين مع انه المفروض العكس
وكمان انتو رأيكم ايه فى موضوع الجزائر ده اللى مش هيخلص
بلاش تقولو مين اللى غلطان الموضوع خلص خلاص
لكن ايه اللى هيحصل بعد كده
دلوقتى جروبات على الفيس بوك وتعليقات فى الجرائد الرسمية عشان نرد اللى حصلنا هناك
متنسوش ان الاسماعيلى لسه هيلعب تانى هناك
هنفضل كده لحد امتى وفى رأيكم فين الصح وايه اللى المفروض يتعمل ؟؟؟؟؟؟؟
الى اللقاء
....................
