،، ليه الأسماء باللغة الأنجليزية ENGLISH !!،،

كلا البته
انها لغتنا ونعتز بها
انما هى اختيارات وخلاص الى بيجى على البال فى الوقت ده

طبعا لغتنا دي لغه دينا بس اهو اي كلمه مستعاره بندخل بيها وخلاص

انا مع ليدو في الرأي وكمان يعني كلمه زي alta كانت هتتكتب التا مش منظر وبعديين فيه اسمء تانيه مش هنفع الا انجلش لان معناها صعب بالعربي
بس ضياعاللغه العربيه اما ده يستحوظ علينا في الردود والمواضيع يعني مش حاجه هتقل من العربي ابدااا

انا شايف ان انجذاب الناس للانجليزى فى الاسماء واولهم انا طبعا عشان اول استخدام لينا للكمبيوتر كان بالانجليزى
يعنى الويندوز انجليزى ومواقع الانترنت الكبيره انجليزى
وخصوصا بقى اننا مينفعش نعمل اى ايميل غير بالانجليزى ف من هنا جات حته اختيار الواحد اسم مستخدم

وبعدين انا بحس ان الانجليزى شيك شويه هههههه

بس ده ميقللش طبعا من اللغة العربية طالما ان استخدامنا للانجليزى مش بشكل ينسينا لغتنا او يأثر عليها


مجرد رأى

ايه ده انتوا كلكوا عليا ولا ايه
اه ما انتوا هتقولوا ايه ماهو الموضوع جالكوا على الوجيعة وكلكم داخلين باسامى انجلش
الفكرة كلها انى كنت م فترة متابعة برنامج وكان بيتكلم عن مدى استحواذ اللغة الانجليزية علينا فى كل حاجة فى حياتنا وكان البرنامج دعوة للعودة للغة العربية
انا بقى وقتها مكنتش مصدقة اننا ممكن نبطل نستخدم الانلانجلش فى اسامينا وكلامنا وحتى اسامى المحلات والمولات وكمان شوية اسامى الشوارع
لكن دلوقتى وبعد ما شفت ردودكم الحمد لله اتاْكدت القضية خسرانه خسرانه
ده انتوا ناقص تضربونى انا مش هتحاور معاكوا تانى وايه شعوعية دى يا ضياء
انا شعوعية انا مش عارفة هى معناها ايه لكن لو هى شتيمة يبقى الشتيمة تلف تلف وتلزق فى وش صاحبها

شكراااااااااااااااا للتفاعل

انا مش هزعلك تانى بس ارحمينى بقى ههههههههههههههه
اقولك انا هغير اسمى انجليزى ولا تزعلى حلو كده

هههههههههه لاعاوز دم لاطبعا لغتنا العربية مستحوذة بس دي ميول لان الانجلش بقي لغة العصر بالنسبة للكمبيوتر وكده انا الحمدلله اسمي عربي موضوع رائع

انتوا ليه فاكرين انى ضذ الانجلش او مش بتعامل بيه بالعكس تماما
انا دراستى فى الكلية لمدة خمس سنين كانت كلها انجليزى وغير كده انا اصلا بحب الانجليزى جدا جدا وبتكلم انجلش كويس
وكمان معايا كورسات كتير اخرها لوكال تويفل وتعاملى فى شغلى كله انجلش واى حاجة بتعلمها جديد فى مجال الاتصالات اكيد بتكون انجلش وبحب اسمع حوارات كتير بالانجليزى والمراجع والابحاث اللى بستخدمها فى الماجيستير اكيد طبعا انجلش والرساله كلها على بعضها انجليزى يا مرسى

لكن انا هنا بتكلم على حياتنا الشخصية اللى اختفى منها العربى زى مشكلة التاريخ الهجرى بالظبط اللى لو ساْلت حد احنا فى سنة كام هجريا مش هيعرف ولا حتى شهر ايه ولا اليوم والبديل طبعا التاريخ الميلادى

طبعا دى كلها آراء واختلاف الراْى لا يفسد للود قضية
وحقيقى سعدت بمشاركتكم وآرائكم
تقبلوا خالص احترامى

بنت الاسلام كتب:انتوا ليه فاكرين انى ضذ الانجلش او مش بتعامل بيه بالعكس تماما
انا دراستى فى الكلية لمدة خمس سنين كانت كلها انجليزى وغير كده انا اصلا بحب الانجليزى جدا جدا وبتكلم انجلش كويس
وكمان معايا كورسات كتير اخرها لوكال تويفل وتعاملى فى شغلى كله انجلش واى حاجة بتعلمها جديد فى مجال الاتصالات اكيد بتكون انجلش وبحب اسمع حوارات كتير بالانجليزى والمراجع والابحاث اللى بستخدمها فى الماجيستير اكيد طبعا انجلش والرساله كلها على بعضها انجليزى يا مرسى

لكن انا هنا بتكلم على حياتنا الشخصية اللى اختفى منها العربى زى مشكلة التاريخ الهجرى بالظبط اللى لو ساْلت حد احنا فى سنة كام هجريا مش هيعرف ولا حتى شهر ايه ولا اليوم والبديل طبعا التاريخ الميلادى

طبعا دى كلها آراء واختلاف الراْى لا يفسد للود قضية
وحقيقى سعدت بمشاركتكم وآرائكم
تقبلوا خالص احترامى

عندك حق والله
بس الموضوع مش فى الاسماء ممكن يكون دا اقلها اهمية ممكن زى ما بتقولى فى الاشهر الهجرية
وفى ناس متعرفش ترتيب الاشهر الهجرية دا لو عرفتها اصلا
المشكلة الحقيقية بتبقى فى المعلومات اللى بتتنسى وبتتبدل
لدرجة ان فيه ناس بتقول كلام يومى ومش عارفه معناه الحقيقى ايه ولا هو انجليزى ولا فرنساوى ولا ايه
الكلمه اتحولت لعربى وخلاص
المفروض اننا نتعلم اللغات التانيه عشان نقدر نواكب العصر ونقدر نتعامل مع الاجانب ونفهمهم
لكن اللى بيحصل اننا بنتعلم اللى يغيرلنا لغتنا عشان نبقى زيهم وهما اللى يفهمونا

NiCe ToPiC
يعنى موضوع نايس هههههه

انت كنت فين من زمان
اخيرا حد شاركنى الراْى شكرا تيتو على مؤازرتك نتكلم فصحى بقى واهو نعمل اى منظر هههههههه
شكرا لمرورك

هههههههه
اى خدمه

كله مؤيد بس هما بيقولو ان ده مش اساسي عندهم يعنى حاجة كده ع الماشي لكن كله هنا بيتكلم عربي فل احنا من غير العربي نضيع

شكرا ليكى انجل على التعقيب وهو وارد جدا الاختلاف فى وجهات النظر الموضوع اصلا مطروح للمناقشة
اكيد كل واحد فينا ليه رؤية مختلفة لكن فى النهاية تبقى اللغة العربية فوق كل لغات العالم
شكرا لكل الاعضاء

انا معاكى طبعا فى موضوع اللغه العربية لكن الاسماء عادى يعنى

شكرا للرد كينج