الرئيسية
إيميل ملخص لكل الإيميلات التي تقرأها... ويدل على عصر الهبل الي عايشينه دلوقتى
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفيلم.
قاطع المنتجات الألمانية لأنها جنب الدول السابق ذكرها.
و بالنهاية كل الناس بيبعتوا الايمالات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي و معاهم "تيك أوي" من ماكدونلدز.
طبعا انا هنا مش بقول اننا نلغى المقاطعة وان كل الدول اللى فاتت دى احنا بنحبها
اكيد طبعا لالالالالكن الفكرة كلها اننا نعرف احنا عايزين ايه وازاى نقدر نحقق اللى احنا عايزينه مش بس نردد شعارات وهتافات احنا اصلا مش عارفين معناها او هى بتتكلم على ايه ونعرف كمان منين نبتدى بالمقاطعة وازى ننفذها
ثانيا: الصحة:
لا تشرب بيبسي لأنه يحتوي على مواد تنظيف و عصارة خنزير.
لا تستعمل مزيل العرق و لاالشامبو و لا الصابون لأنه يسبب سرطان.
لا تأكل لحم البقر لأنه يسبب جنون البقر.
لا تأكل دجاج بسبب انفلونزا الطيور
لا تأكل سمك بسبب المد الأحمر
لا تأكر خضار و لا فواكه لأنها كلها هرمونات
لا تشرب ماء لأنه معالج بالكلور
لا تأكل معلبات لأنها تحتوي على مواد حافظة
لا تشرب عصير طبيعي لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني آكل هوا؟!!! .....
لأ طبعا لأنه الهوا ملوث بعوادم السيارات و المصانع.
و اذا خالفت النواهي السابقة كلها، دخلنا على العادات:
لا تشرب ماء بعد الأكل.
لا تنام و لا تمشي و لا تقعد بعد الأكل.
لا تشرب شاي و لا قهوة بعد الأكل
أحسن شي .... انك تاكل و تنتحر!!!!!!
لا تخلي الماء في الثلاجة داخل علب بلاستك لأنه مسرطنة
و لا تخلي في زجاج لأنه ممكن ينكسر بدون ما تعرف و تشربه و تموت.
و لا تخلية برة الثلاجة لأنه ممكن يتلوث.
و لا تشرب من الحنفية لأنها مش نظيفة
و لا تشرب مية صحة لأنها معبئة من الحنفية أو مكررة و فيها مواد مسرطنة.
لا تتكلم عالموبايل بدون سماعة عشان الموجات تقتل خلايا المخ
و لا تتكلم عن طريق السماعة عشان الكهربا الساكنة
و لا تتكلم عن طريق البلوتوث عشان الموجات برضو تقتل خلايا المخ.
(يعني كل العالم الي عايشين حالياعايشين بدون مخ)
لا تخلي الهوا يدور في السيارة لما تشغل التكييف لأنه يتلوث من التنفس.
و لا تخلي الهوا يجي من بره لأنه ملوث.
لا تعبي بنزين الصبح عشان الكثافة عالية
و لا تعبي في الليل عشان الكثافة واطية
و اشرب خل عشان يحرق الدهون .... و لا تشرب خل عشان يسبب قرحة
و اطلع في الشمس عشان فيتامين "د" .... و لا تطلع في الشمس عشان الأوزون.
ثالثا: الدين( ودا المهم جدا)ا:
ابعث هذا الايميل لجميع من عندك وتكسب 258649735 حسنة ....
(لأنه الي باعث الايميل مكشوف عنه الحجاب)
حارس قبر الرسول (صلى الله علية و سلم) حلم انه الرسول (صلى الله علية و سلم) قاله انه لازم يبعث الرسالة.
و يجيلك ايميل مكتوب في أوله قسم انك تبعث الايميل لكل الي تعرفهم و بعدين فى الاخر يذكرك انك أقسمت.
(واخد عليك عهد يعنى مفيش مفر)
و ايميل فيه الجملة الحلوة اللطيفة (اذا لم تبعث الايميل فانت لاتستحق أجره
و ايميل يقولك أحاديث كاذبة و اذا ما بعثتها فأنت مقصر
و ايميل يقولك "دعاء مرة واحدة في العمر"
(يعني ادعيه وبعدين اعمل اللى انا عايزه؟؟؟؟)
و ايميل يقولك "دعاء هز عرش الرحمن"
و ايميل يقولك "دعاء من دعاه حققت له 100 أمنية"
(مصباح علاء الدين مش دعاء!!!!)
يعني أحسن حل ....
انه الواحد لا ياكل و لا يشرب و لا يتنفس
ولا يتكلم على التلفون و لا يطلع من البيت و بس يقعد يبعث ايميلات ....
ملاحظة: اذا بعثت الايميل هذا لكل الي عندك
راح يطلعلك جني سويسري راكب بنتلي،
و اذا ما بعثته
بكرة تشوف اللى هيحصلك بقى وانت حر
والله يا جماااعه هو ده الي بيحصل لما خلاااااااااااااص اتخنقنا يا ريت نفكر شويه فى الرسايل الدينيه دى بالذات ومحدش يدي عقله للاميلات الي بالشكل ده وخصوصا الاميلات بتاعه الدين ويفضل يبعتها لكل اصحابه ومصدق الكلام اللى فيها من غير ما يفكر ولا يسال عن اصلها ومصدرها
