نكات جديدة 1

واحد صعيدي حب يعمل مفاجأة لمراته في عيد جوازهم....راح طلقها

خمسة منهم واحد صعيدي راكبين في عربية وماشيين في صحراء....العربية غرزت في الرمل فقام كل واحد منهم ينفخ في كاوتش من كاوتشات العربية .....الصعيدي راح ينفخ في الاستبن - اللي هو الكاوتش الاحتياطي -

واحد رخم وواحد مش رخم اتفقوا انهم يعملوا جريمة.....فاتقبض عليهم واتحكم عليهم بالإعدام....راحوا للي مش رخم وقالوا له نفسك في ايه قبل ما تموت قال نفسي اشوف ابويا....وراحوا للرخم قال لهم نفسي ما تخلهوش يشوف ابوه

واحد قال لخطيبته لما اعدي عليكي في البيت وازمر لك تنزليلي....قالت له هو انت جبت عربية قال لها لا جبت زمارة

واحد بخيل اغمي عليه...فوقوه ببصلة ولما عرف ان البصلة دي جابوها من بيته اغمي عليه تاني

عيل صغير كل ما يتفرج على التليفزيون وتيجي صورة حسني مبارك أبوه يقول له "غير عالكلب ده" فمرة كان الواد وابوه في حفلة حكومية برعاية الريس فالواد شاف صورة الريس أدام الناس وقال...بابا الراجل اللي بتقول عليه كلب اهوه....فالراجل على طول راح شايل ابنه ورافعه فوق وأعد ينادي....عيل تايه يا ولاد الحلال

حسني مبارك والبشير وجاك شيراك-زمان-كانوا راكبين في طيارة وتاهوا فيها ...الطيار قال لهم كل واحد يخمن بلده فين وانا نزله...البشير طلع ايده من الطيارة لقى الجو حر قال نزلني هنا....شيراك طلع ايده لقى الجو برد قال نزلني هنا....حسني مبارك طلع ايده ساعته اتنشلت قال نزلني هنا

واحد قال لمراته نكتة قالت له هيهيهيهيهي بايخة.......قال لها هيهيهيهيهيهي انتي طالق