كرسي الاعتراف

انت لسه هنا
طيب الحق اسئلك شوية اسئله بقى

وبما انك عايز اسئله جامده فانا هقوم بالواجب وهرخم عليك


يلاا نبدأ

اولا .. اوصف انطباعك الاول عن العشر اعضاء اللى كتبتهم قبل كده
((يعنى اول ما شفت اسماءهم فى المنتدى واول تعاملات معاهم من غير ما تعرفهم اوى كانت فكرتك عن كل واحد فيهم ايه .. بس بكل صراحه ))

بعد كده .. قولنا اكتر 3 حاجات بتكرههم فى حياتك (( مسموحلك تزود عن 3 )) .

تالت حاجه .. كام مره مقدرتش تمسك دموعك قدام الناس ولو حبيت تحكى المواقف اوكى ولو مش حبيت بلاش (( مش برخم اوى يعنى بردو ))

اللى بعده .. ايه رايك فى اللى بيقولوا انهم مش بيحبوا ابوهم او امهم وتفتكر العيب عندهم ولا عند اهلهم

بعد كده .. تفتكر المنتديات بشكل عام بتاثر على الشخص وممكن تغير فى شخصيته وازاى من وجهة نظرك .. ((اشرح بالتفصيل عشان تاخد الدرجه كامله ))

اللى وراه .. انت حاسس ان ليك لازمه فى الحياة ؟؟ وايه دليلك ؟؟ (( دى وقاحه انا عارفه ههههه ))

بعد كده .. انت بتستخدم عقلك اكتر ولا قلبك

اللى بعديه .. ايه اخر هديه جاتلك

بعدها .. قلنا ايه الكليه اللى تحب تدخلها

اللى ورا ه .. بتحس ان فى فرق شويه بين شخصيتك عالمنتدى وشخصيتك بره المنتدى ولا لأ
(( طبعا مقصدش انك بتتصنع على المنتدى بس بحكم اختلاف طريقة التعامل فى المنتدى وبره وفى الحياه عموما بشكل نسبى ))

اللى بعد اللى وراه .. ايه المكان اللى فى مصر مش زرته ونفسك تروحه

وأخيرااا وليس اخرا .. لون الاوضه بتاعتك ايه؟ وفيها كام شباك ؟؟ ( هههههه ده سؤال رخم بردو )



وبما ان الاسبوع خلص

....
...
..
.

قلنا ايه رايك فى كرسى الاعتراف ؟؟

ايه اخبار الاسئله عموما ؟؟

مين كنت مستنيه يسألك ومحصلش ؟؟

مين رخم عليك بأسئلته ؟؟

مين اسئلته كانت حلوووه اووى ؟؟

ايه اللى عاوز تقوله قبل ماتسيب الكرسى ؟؟



باقى سؤالين
.
.
.
.

الاول .. مين هتحطه على الكرسى بعديك لما تجاوب على الاسئله اللى عليك
.
.
.
.

التانى ... ياترى هتقول لادمن يطرد ضياء من المنتدى ولا لأ

بس كده كفايه عليك اوووووووووووى
وطبعا لو فى اى اسئله جاوبت عليها قبل كده ما تجاوبش عليها تانى وسيبها