اعرفي عر يسك بدرى...........

mona

mona: عضــو فضــى; العمر : 38
عدد المشاركات : 551
التقييم : 5

مساهمة رقم 1

اعرفي عر يسك بدرى...........

من طرف mona الأربعاء فبراير 25, 2009 12:02 am

اعرفي عر يسك بدرى؟؟؟؟بدري.. من طريقة أكله ....

1.إذاكان عادي يعني لا بياكل بسرعة ولا ببطء ولا دايمًا شبعان ولامفجوع علي طول..
يبقى شخص معتدل في عواطفه وقراراته ويبقى ده آخر الرجال المحترمين..

***شي.. واستعجلي الزفاف والحياة تبقي بمبي

2.إذا كان بيحب الأكل زي عينيه.. وأول ما يدخل من الباب وقبل ما يقولك ازيك يقول لك ريحه التقلية تجنن يا روحي أنتو عاملين ملوخية علىأرانب؟؟.. أموت أنا.. ويقعد يأكل ويحشر لحد ما يغمى عليه..يبقي إنسان طفس.. وهوائي.. وطايش

وأوعي تتجوز يه أحسن هياكلك وأنتي نايمة....؟

3.أما إذا كان مش مهتم بالمرة.. لا يقولك ده حلو ولا ده وحش ولا مالح ولامستوي ولا لسه ني ولا بيعلق أي تعليق.. وعمره ما يقولك جعان أوشبعان
يبقى إنسان مالوش لزمه.. وزي قلته..

وأنصحك بدل ما تتجوز يه أتبنيه..

4.أما إذا كان بياكل زي ما يكون حد بيجري ورااااه وساعة الأكل بيجيله حالةصرع معوي.. ويقوم من ع الأكل قبل أي حد تاني
يبقى متسرع.. ومتهور في اتخاذ قراراته وممكن بعد الجواز يكتشف إنك لست ملهمته..ولست فتاة أحلامه ولستِ حلمه..
ويروح مطلقك بالثلاثة..

اخلعي أنتي بدري أحسن لكرامتك.

5.أما إذا كان بياكل على مهله.. ويمز مز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب
حاسبي منه ده النوع اللي له مخ..وبيوزن الأمور بطريقه تفقع المرارة.. ولو في يوم طلبتي منه يقولك كلمةحلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش بدري....بدري

اخلعي اخلعي

6.أما إذا كان بيقعد يقطع ف الأكل زي ما يكون ف خناقة ويخبط في طبقه من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ما هو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي فى رأسك أو بالسكينة فى عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي..معلش"
""معلش برَّه يا حبيبي وخد الباب فأيدك""

7.أماإذا كان دايمًا قرفاااان دايمًا مش عجبه العجب ..يع.. الملوخية تقيله.. ياي.. السمنة كتيرة على وش الشوربة..ياساتر.. دامحشي ولاصوابع مووووز.. أووووف.. الرز محوصل.. يامَّه المكرونةمعجنة..

إذا كان كده توكلي على الله وهاتي أحمي ساطوور عندك
وأنا أعرف لك واحد محامي هايطلعك منها زي الشعرة من العجين

والأحسن من ده كله..... مالها القعدة في بيتأبووووووووكي؟؟

ههههههههه

ahmed emad

ahmed emad: مراقب فى اجازة; حالتك ايه دلوقتى ؟ :
العمر : 30
عدد المشاركات : 3372
العمل/الترفيه : العمل :طالب فى اولى ثانوى الترفيه : لاعب كره سله
التقييم : 9