الرئيسية
هو احنا شعب وحش!!؟
على طول احنا بنتكلم في الجانب الحلو ومفيش حد فكر يتكلم ف الجانب الوحش
اهم حاجة يا جماعة- اعضاء وعضوات نهر الحب - ان الموضوع مش هيبقى كامل الا بتعليقاتكم وردودكم
ندخل في الموضوع ...هو شعب مصر شعب وحش ؟؟؟ سؤال مباغت صح ... اكيد هو شعب طيب ومسالم وغلبان لكن مش عارف ليه فيه مشاهد بتخليني أحس في اوقات كتير ان شعبنا مش شعب طيب وبحس ساعات إن احنا بنهجص على بعض لما نقول اننا شعب طيب استنى ما تردش دلوقتي خليني اقول حبة مشاهد وبعدين نرد سوا
المشهد الأول
هو ليه كل ما تحصل ازمة في البلد نلاقي الكل بيحاول يتربح من هذه الأزمة ...يعني مثلا لما انفلوانزا الطيور ظهرت ..ليه تجار اللحمة والسمك غلوا الأسعار ؟؟ واحد حيقولي العرض والطلب ...اقوله رغم اني مش شايف ان للعرض والطلب دور في الموضوع ده المسألة مسألة جشع وطمع لكن ما دمت مصر على رأيك ادخل على مشهد 2
المشهد الثاني
لما فيه سلعة سعرها بيغلى..أكيد كل تاجر بيكون عنده مخزون شاريه قبل ما تغلى ..طيب ليه ميفش حد بيبيع الي شاريه بالسعر الرخيص بتمن رخيص ولما يشتري البضاعة الغالية يبيعها بسعرها الجديد...واحد يقولي حالات فردية...فيه ايه ياعم فيه كام مليون تاجر وتقولي حالات فردية...طيب يا سيدي خش عالمشهد التالت
المشهد الثالث
عمليات النصب اللي اصبحت شيء شبه يومي في حياتنا ..كل دي عمليات نصب ...تقريبا عشرات أللآلاف من عمليات النصب حدثت في الفترة الأخيرة
المشهدالرابع
واحد يبقى راكب مكروباص او اتوبيس ويقع منه الموبايل.يتصل يلاقي الي لقى الوبايل طمع فيه وخده ورمى الشريحة...حاجة تخنق بجد
المشهد الخامس
مشهد لصوص الأحذية المنتشرين في المساجد بطريقة بشعة ..لدرجة انه اصبح من النصائح المتكررة لو معاك جذمة جديدة لازم تحطها قدامك في الجامع يا إما حتتسرق ....في رمضان الماضي في المسجد في زحام صلاة التراويح العام الماضي كان يوميا يتم القبض على حرامي او اتنين
المشهد السادس
مشهد الناس اللي عندها صناديق الزبالة منتشرة في كل مكان في الشارع ومع كده بيرموا زبالتهم في الأرض كل ما اشيل قشرة موز من الشارع افضل اسأل نفسي يعني ال ( ......) اللي رمى الموزة دي مش عارف انها ممكن تكسر رجل بني آدم لو داس عليها ؟؟؟ اكيد عارف طيب بيرميها ليه في نص الشارع ..حاجة تخنق
المشهد السابع
مشهد واحد اعمى او عجوز ماشي في الشارع وعمال يتخبط في السكة وما حدش بيفكر يمسك ايده يوصله
المشهد التامن
سواقين المكروباصات اللي بيرفعوا سعر الأجرة وقت الضغط ويقسموا الخط اجزاء علشان ياخد الأجرة الضعف ..ما حدش بقى يقولي دول قلة ...انا اعتقد ان مصر فيها ملايين من سواقي المكروباصات ..متهيألي اللي ما بيعملش فيهم كده ممكن يكون اتنين
المشهد التاسع
مشهد المستغلين للسائح من اول البياع اللي بيبعله الحاجة باضعاف تمنها ..لغاية المتسول اللي يفضل قارفه في عيشته ...مرورا بسواق التاكسي وعامل الفندق الغتت والعيال الصيع اللي بيعاكسوا بناتهم . ..على فكرة الكتب اللي بتدي الأرشادات عن مصر للسياح بتحذرهم من البياعين المستغلين ...يا فضيحتنا
المشهد العاشر
الحكايات المؤسفة والمحزنة زي المقالب و النصب و الخدع والأسافين اللي بيعملها المصريين في بعض في الخارج وفي دول الخليج خاصة ...اكيدفيه ناس سمعت عن الحكايات دي ...انا فاكر كان فيه صحفي مصري شغال في الأمارات كان بيحكي عن زميله المصري اللي كان بيجرجره لحوار يخليه يشتم رئيس التحرير وهو مخبي موبايل وبيتصل بيه على رئيس التحرير علشان يسمع
المشهدالحادى عشر
مشهد معدومي الشرف و الشهامة اللي بيعاكسوا البنات في الشوارع واللي بيتلزقوا في الأتوبيسات وفي الشوارع انا اظن ان مفيش بنت ما عانتش من المصايب دي ...ده كفاية فضيحة اللي خرجوا يحتفلوا بكأس الأمم ...الجرايد رصدت اكثر من حالة تحرش بالفتيات خلال هذه المظاهرات التي كانت تهجم على أي سيارة فيها فتيات ...ونشر عن الموضوع ده اكتر من جريدة مثل الدستور والمصري اليوم
كفاية كده لكن انا عندي عشرات المشاهد من دي و اكتر ....
مش عارف انا فعلا مش قادر اني اكون رأي في الموضوع ده ..هل احنا شعب وحش ؟؟؟ هل الكلام اللي بيتقال اننا شعب طيب وغلبان وفي حاله كلها عبارات أي كلام ومالهاش معنى ؟؟ وإن كل طيبتنا متمثلة في الطيبة مع ولي الأمر اللي ما نقدرش نقول بم عليه .
ولا دي حالات فردية وظواهر موجودة في أي مجتمع واني مزودها شوية وان الأصل في الشعب ده انه شعب طيب وغلبان بجد بس الظروف هي اللي فرضت عليه كده
انا مستني تعليقاتكم ...سواء بالنقد او بالتأيد
على طول احنا بنتكلم في الجانب الحلو ومفيش حد فكر يتكلم ف الجانب الوحش
اهم حاجة يا جماعة- اعضاء وعضوات نهر الحب - ان الموضوع مش هيبقى كامل الا بتعليقاتكم وردودكم
ندخل في الموضوع ...هو شعب مصر شعب وحش ؟؟؟ سؤال مباغت صح ... اكيد هو شعب طيب ومسالم وغلبان لكن مش عارف ليه فيه مشاهد بتخليني أحس في اوقات كتير ان شعبنا مش شعب طيب وبحس ساعات إن احنا بنهجص على بعض لما نقول اننا شعب طيب استنى ما تردش دلوقتي خليني اقول حبة مشاهد وبعدين نرد سوا
المشهد الأول
هو ليه كل ما تحصل ازمة في البلد نلاقي الكل بيحاول يتربح من هذه الأزمة ...يعني مثلا لما انفلوانزا الطيور ظهرت ..ليه تجار اللحمة والسمك غلوا الأسعار ؟؟ واحد حيقولي العرض والطلب ...اقوله رغم اني مش شايف ان للعرض والطلب دور في الموضوع ده المسألة مسألة جشع وطمع لكن ما دمت مصر على رأيك ادخل على مشهد 2
المشهد الثاني
لما فيه سلعة سعرها بيغلى..أكيد كل تاجر بيكون عنده مخزون شاريه قبل ما تغلى ..طيب ليه ميفش حد بيبيع الي شاريه بالسعر الرخيص بتمن رخيص ولما يشتري البضاعة الغالية يبيعها بسعرها الجديد...واحد يقولي حالات فردية...فيه ايه ياعم فيه كام مليون تاجر وتقولي حالات فردية...طيب يا سيدي خش عالمشهد التالت
المشهد الثالث
عمليات النصب اللي اصبحت شيء شبه يومي في حياتنا ..كل دي عمليات نصب ...تقريبا عشرات أللآلاف من عمليات النصب حدثت في الفترة الأخيرة
المشهدالرابع
واحد يبقى راكب مكروباص او اتوبيس ويقع منه الموبايل.يتصل يلاقي الي لقى الوبايل طمع فيه وخده ورمى الشريحة...حاجة تخنق بجد
المشهد الخامس
مشهد لصوص الأحذية المنتشرين في المساجد بطريقة بشعة ..لدرجة انه اصبح من النصائح المتكررة لو معاك جذمة جديدة لازم تحطها قدامك في الجامع يا إما حتتسرق ....في رمضان الماضي في المسجد في زحام صلاة التراويح العام الماضي كان يوميا يتم القبض على حرامي او اتنين
المشهد السادس
مشهد الناس اللي عندها صناديق الزبالة منتشرة في كل مكان في الشارع ومع كده بيرموا زبالتهم في الأرض كل ما اشيل قشرة موز من الشارع افضل اسأل نفسي يعني ال ( ......) اللي رمى الموزة دي مش عارف انها ممكن تكسر رجل بني آدم لو داس عليها ؟؟؟ اكيد عارف طيب بيرميها ليه في نص الشارع ..حاجة تخنق
المشهد السابع
مشهد واحد اعمى او عجوز ماشي في الشارع وعمال يتخبط في السكة وما حدش بيفكر يمسك ايده يوصله
المشهد التامن
سواقين المكروباصات اللي بيرفعوا سعر الأجرة وقت الضغط ويقسموا الخط اجزاء علشان ياخد الأجرة الضعف ..ما حدش بقى يقولي دول قلة ...انا اعتقد ان مصر فيها ملايين من سواقي المكروباصات ..متهيألي اللي ما بيعملش فيهم كده ممكن يكون اتنين
المشهد التاسع
مشهد المستغلين للسائح من اول البياع اللي بيبعله الحاجة باضعاف تمنها ..لغاية المتسول اللي يفضل قارفه في عيشته ...مرورا بسواق التاكسي وعامل الفندق الغتت والعيال الصيع اللي بيعاكسوا بناتهم . ..على فكرة الكتب اللي بتدي الأرشادات عن مصر للسياح بتحذرهم من البياعين المستغلين ...يا فضيحتنا
المشهد العاشر
الحكايات المؤسفة والمحزنة زي المقالب و النصب و الخدع والأسافين اللي بيعملها المصريين في بعض في الخارج وفي دول الخليج خاصة ...اكيدفيه ناس سمعت عن الحكايات دي ...انا فاكر كان فيه صحفي مصري شغال في الأمارات كان بيحكي عن زميله المصري اللي كان بيجرجره لحوار يخليه يشتم رئيس التحرير وهو مخبي موبايل وبيتصل بيه على رئيس التحرير علشان يسمع
المشهدالحادى عشر
مشهد معدومي الشرف و الشهامة اللي بيعاكسوا البنات في الشوارع واللي بيتلزقوا في الأتوبيسات وفي الشوارع انا اظن ان مفيش بنت ما عانتش من المصايب دي ...ده كفاية فضيحة اللي خرجوا يحتفلوا بكأس الأمم ...الجرايد رصدت اكثر من حالة تحرش بالفتيات خلال هذه المظاهرات التي كانت تهجم على أي سيارة فيها فتيات ...ونشر عن الموضوع ده اكتر من جريدة مثل الدستور والمصري اليوم
كفاية كده لكن انا عندي عشرات المشاهد من دي و اكتر ....
مش عارف انا فعلا مش قادر اني اكون رأي في الموضوع ده ..هل احنا شعب وحش ؟؟؟ هل الكلام اللي بيتقال اننا شعب طيب وغلبان وفي حاله كلها عبارات أي كلام ومالهاش معنى ؟؟ وإن كل طيبتنا متمثلة في الطيبة مع ولي الأمر اللي ما نقدرش نقول بم عليه .
ولا دي حالات فردية وظواهر موجودة في أي مجتمع واني مزودها شوية وان الأصل في الشعب ده انه شعب طيب وغلبان بجد بس الظروف هي اللي فرضت عليه كده
انا مستني تعليقاتكم ...سواء بالنقد او بالتأيد
