عايزين تعرفوا اصفات البنت المصرية ..ادخلوا هنا بسرعة

أزيكم يا احلي اعضاء
النهارده جبت لكم معظم صفات البنت المصريه مش كلها
لسة في بلاوي بس كفايه دوول
وياريت مش عايزة اي بنت تزعل مني علشان دى الحقيقه
وربنا يسترها يا رب



الصفه الاولى

اللسان

البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_

وخاصه لو كانت عامله التحجيبه سبانش _ احذر من دول _
..............................

الصفه التانيه

التناكه

البت من دول تلاقيها مناخيرها فى السما _ على ايه يعنى _

ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا

وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك

تعالى بئى فى كليات العملى زى الطب والهندسه والصيدله

لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا

هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _

ناس تنرفز والله يا اخى

.............................

الصفه التالته

الشياكه

الشهاده لله يعنى البنات دلوئتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده فى وسط البلد عندنا اعرفها

اسألها ياخويا رايحه فين قالتلى رايحه اشترى ميكب

يا حاجه داحنا فى رمضان

بس بكره الكليه

اه اذا كان كدا معلش

طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :

بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا

يمكن يا عم متتشائمش :

..............................


الصفه الرابعه


احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد .......................

ناس تانين ؟

بس العرق الفرعونى نقح عليا فى الايام اللى فاتت وافتكرت السبب

فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم :

.............................


الصفه الخامسه


الاجتماعيه

البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس
يارب التوبيك يعجبكوا
ومستنى ردودكم






with my best wishes

أول حاجة اى ولد يتريق على بنت لازم حتبهدلوا وده مش لانها زى ما انت بتقول معندهاش غير لسان لا ده طبيعى اى حد بيتريق على حد بيبهدلوا مش بيسكوتلوا وبعدين بالعكس فى بنات كتيرة مش بترد اصلا على اى حد بيتريق عليها بتسكت وتمشى يعنى الولاد هما الى بيبقوا مزعجين للبنت
لو تبقوا فى حالكم يكون ده احسنلكم بدل لما تسمعوا حاجة تضايقكم
وبعدين البنات والولاد او اى شخص بيحب يكون شيك وده مش عيب
الشخص الاجتماعى بيكون محبوب اوى بس البنت اكتر لانها زكية جدا جدا بتفهم بسرعة مش زى الولاد بيفهموا بصعوبة وطبعا صفة التناكة مش فى البنات خالص لانهم الجنس اللطيف
احتقار الرجل الى بيضايقها ومش بيحترمها ده شئ من حقها

كفاية عليك كده يا أحمد
وياريت البنات تكمل

ده البنات دول.............................................مش حكمل بقى عشان انتم زهقتوا والواحد وصح البنات مفهاش غير لسان وانتم بتقولوا ان البنت زكيه ده غلط على فكره البنت مفهاش غير انها تحفظ بس هو ده اللى فى البنت انما تفهم يبقى غلط طبعا وانا مش حتكلم معاكوا فى المضوع ده لانكم جبتولى الشلل بكلمك بس حكمل الحمله لسه

اية ياعم احمد وبعدين فيك مااحنا ممكن نكتب زى مابتكتب وهنحرق دمك صح ولا

يا جماعه انا اسف مش حكتب مواضيع تانى مش عشان انا زهقت ولا عشان اى حاجه بس عشان انا اتشتمت ومقدرش اشتم حد منكم وشكرا ليكم كلكم وكمان عشان انا غبى ومحتاج مترجم زى ما ساره قالت

خلاص خلاص انتو شعللتوها كده له ده كان هزار
وكمان مش كل بنات مصر كده فى كده وفى كده
اصلك اكلمت يا احمد كانهم كلهم كده
وخلاص بقى محدش يدايق ده هزار

demo كتب:

ahmed emad كتب:ده البنات دول.............................................مش حكمل بقى عشان انتم زهقتوا والواحد وصح البنات مفهاش غير لسان وانتم بتقولوا ان البنت زكيه ده غلط على فكره البنت مفهاش غير انها تحفظ بس هو ده اللى فى البنت انما تفهم يبقى غلط طبعا وانا مش حتكلم معاكوا فى المضوع ده لانكم جبتولى الشلل بكلمك بس حكمل الحمله لسه

ااندهلى حد كبير اكلمو

اركنى انتى بس دلوقتى على جمب ونبقى نشوف موضوعك بعدين عشان مش فاضيلك