قصص طريفه( بالتبادل)

ازيكواااااااااااااااااااااااا
يا جماعه كل واحد عنده قصه طريفه او مضحكه او كان حتى سمعها منحد يكتبها ونقعد نضحكمع بعض بدل الغم وكل واحد زهقان من التانى
وانا حكتب اول واحد

منقول القصه ده


كنت مسافر من السعوديه الي مصر وكنت حاجز على الخطوط المصريه وبعدين واحنا في المطار قالولنا ان الطياره فيها عطل وموجود طائره بديله لكن قديمه شويه الركاب كلهم قالوا خلاص مش مشكله بدل ما نبات في الفندق وكل واحد وراه اشغال نسافر فيها واهه كله بيوصل وبصراحه كانت رحله لن انساها لما شوفت الطائرة انصدمنا كلنا حيث انها ايرباص موديل قديم جدا مش فاكر رقمها بالضبط المهم ركبنا الطائره وامرنا لله جه واحد سعودي قعد يتريق على شركة مصر للطيران واحنا في الجو وعمال يتريق على المصريين بصراحه اتحرق دمي روحت رادد عليه وقلتله انتا ايه الي ركبك اصلا على الخطوط المصريه احنا طائرتنا كده وعجبانا ومبسوطين بيها احنا عندنا المضيفه بتقف على باب الطائره وبتنادي واحد جيزه مصر رمسيس والطيار بيلم الاجره بعد ما بيطلع في الجو مدام مش عجبك نظامنا ما تركبش طيارتنا وتتريق عليها وشويه كمان وهتلاقي مضيفه معديه وبتنادي حاجه ساقعه بيبس احنا ياسيدي راضيين ومبسوطين بالطيران بتاعنا والركاب كلهم كانوا ميتين على روحهم من الضحك بسبب كلامي والمضيفه لقيتها بتقولي خلاص يا استاذ كفايه فضايح وانا مش ساكت وعمال اديله في كلام وفجأه لقيت الطيار قدامي ميت على روحه من الضحك بسبب الكلام الي قلته وصافحنى انا والراجل واعتزر على موقف الشركه والحمد لله عدت الرحله على خير وانصحكم ما تركبوش طيارات قديمه تاني

بصوا كل واحد لو عاوز يكتب تعليق يكتب بعد كده يكتب القصه اللى عاوز يكتبها

انا لو كنت هسافر ولقيت دى الطياره مكنتش هركب ... هو انا كل يوم بركب طياره يعنى دا نا ساعتها هختار اشيك طياره واتصور فيها.............بس كويس اللى دافع على مصر للطيران ده محبش انا حد يتريق على حد


شكرا وانا هجبلكم قصه بس مش فدماغى حاجه دلوقتى

القصه ده جامده موت



فى يوم كان الاستاذ بيشرح عن المخدرات وكان جايب شوية حاجات زى المخدرات زى بودرة الطباشير والملوخية النشفة وهم عملين زى الهرويين و الحشيش و فجأة واحد زميلى قال كبسة العيال كلها جريت و الاستاذ لم الحاجة بسرعة وجرية وهو مرعوب و شكلة عاش دور تاجر المخدرات

والقصه ده برده كويسه(منقول)



كانت مرة في يوم اعده واعد جانبي واحد شكله يدي انه مهندس دكتور حاجة كده و فجأة حاسيت اكن حد بياخد مني حاجة والمشكلة انه طلع حرامي و سرق موبيلي و و هو بيسرق الموبيل رن وساعتها معرفتش اعمل ايه فقلتله ممكن الموبيل راح اداهوني واللهي حرامي طيب

ده حلوه برده



معلش هى قصة صغيرة بس تخليك تفكر مليون مرة قبل ما تعمل موقف شهامة مع بنات اليومين دول .. ليه بقى ..أقولكم ليه ...مرة واحد صاحبي كان فى المترو ولقى بنت واقفة وهو كان قاعد راح عمل شهم وقعدها مكانه ووقف بعيد شويه بس شايفها .جات بنت صحبتها جنبها ومش لاقيه مكان بتقولها يا بختك انتى لقيتي مكان تقعدى .. قامت قالت لها دورى يمكن تلاقى واحد حمار يقعدك مكانه .. وصاحبي الشهم سمع كل ده .. شفتوا بنات اليومين دوول ....إن كيدهن عظيم ...أحلى سلااااااام

هو محدش حصله موقف طريف او محرج او اى حاجه يحكيه ولا احذف الموضوع ده واريح دماغى ولا انا حقعد اكلم نفسى كده كتيييييييير

في مرة كنت متفق أنا وخطيبتي إننا نخرج، المهم قعدت منتظرها لغاية مالاقيت واحدة لابسة طقم شيك وحاطة بيرفيوم يجنن، المهم فضلت ماشي وراها أعاكس فيها لغاية ماتدورت وكانت لسة هتشتم لاقيته التعيس خطيبها، اللي هو أنا بس الحمد لله أنها معملتهاش خناقة وأنا قولتلها أنا كنت عارف إنك إنتي من الأول بس كنت عاوز أشوفك هتعملي إيه وأنا من جوايا باحمد ربنا أنها مشكتش في كلامي
(منقول)

الحكايه انى كنت اقوم بزياره صديق لى فى كليه طب بطرى جامعه القاهره..وبعدين واحنا فى الكليه لمحت بنت اموره اوى وماسكه البالطو فى ايدها فحبيت انى اتعرف عليها فصاحبى نصحنى انى ما احاولش لانها ما بتكلمش حد خالص ...المهم قلت له انا هاحاول وبعدين رحت قربت منها وقلتلها لو سمحت يا دكتوره انا والله مش جاى اغلس عليكى .انا واقع فى مشكله كبيره ومفيش غيرك ممكن يحلها لى ..فالبنت ححست بالصدق فى كلامى فوضح الاهتمام على وجهها وقالتلى قول فيه ايه..فقولتلها انا عندى مشكله صعبه اوى انى وانا نايم ذيلى بيتهز فاعمل ايه...قامت ابتسمت ابتسامه لذيذه قوى اوى وقالتلى بسيطه .........غير الزريبه اللى انت بتنام فيها


هههههههه

(منقول)

لما كنت في المرحلة الاولى من الثانوية العامة يوم امتحان الكيمياء بابا نزل الصبح ونسي ان عندي امتحان يوميها وقفل عليا باب الشقة بالمفتاح وطبعا انا مفتاحي كان ضايع كالعادة و ساكنة في الدور السابع يعني حتى لو فكرت انط من البلكونة كنت هقع تتكسر رقبتي وبالتالي طبعا هموت...المهم اعمل ايه وفاضل ع الامتحان نص ساعة؟اتصلت بالبوليس...ورحت امتحان الكيمياء وانا في عربية البوكس وجبت فيها 50 من50

(منقول)

يارب تكون عجبتكم القصص