شبكة ابداع

عذرا ... جارى عمل تجديدات شاملة بالمنتدى


    انتقادات شديدة لـ "الجماعة" بسبب سخريته من عمرو خالد

    شاطر
    avatar
    بنت الاسلام
    عضــو فضــى
    عضــو فضــى

    حالتك ايه دلوقتى ؟ :
    انثى
    العمر : 29
    عدد المشاركات : 1158
    العمل/الترفيه : network and security engineer
    التقييم : 260
    03092010

    انتقادات شديدة لـ "الجماعة" بسبب سخريته من عمرو خالد

    مُساهمة من طرف بنت الاسلام



    واجه السيناريست وحيد حامد انتقادات حادة جدا وهجوما شرسا على عدد من مواقع الإنترنت، وذلك بعد عرض الحلقة السادسة عشرة من مسلسه "الجماعة" الذى ظهرت به شخصية داعية إسلامية تشبه بشدة شخصية الداعية الإسلامية عمرو خالد فى جميع التفاصيل الشكل والشارب والصوت وطريقة الكلام أيضا.

    وجسد الممثل الشاب هشام إسماعيل شخصية داعية إسلامى يشبه عمرو خالد ويصوره على أنه يتاجر بالدين، وينظر إلى البنات فى نظرة شهوانية، ويضع الماكياج قبل تقديم البرنامج ويتعامل مع الآخرين بغطرسة وتعالى، كما يقوم بالتمثيل على المشاهدين.

    كما ظهر الداعية الإسلامى فى شكل الانتهازى الذى يفتقر إلى العلم الدينى الصحيح، وهو ما يتضح فى حديثه مع رئيس القناة – يجسد دوره عمرو واكد - التى يسجل بها برنامجه ويبلغه بأنه يريد زيادة فى عقده مع القناة لأنه نجم والقنوات تتهافت عليه، وهنا يثور عليه رئيس القناة ويخبره بأنه لا يفقه شيئا فى الدين، وأنه مجرد ممثل وأن القناة قادرة على أن تصنع مثله العشرات.

    تلك الصورة السيئة التى ظهر بها الداعية الإسلامى فى المسلسل جعلت العديد من مستخدمى مواقع الإنترنت خصوصا الفيس بوك واليوتيوب يؤكدون فى صفحاتهم الخاصة على أن ذلك افتراء وادعاء على الدكتور عمرو خالد وتشويه صورته أمام جمهوره، وهو ما جعلهم ينتقدون المسلسل بشدة ويؤكدون أن سلبياته باتت أكثر من إيجابياته بكثير، فلم يكتف فقط بمحاولته تشويه صورة الإخوان المسلمين، بل تطرق أيضا إلى تشويه رموز الدعاة الإسلاميين.

    يذكر أن هشام إسماعيل قام من قبل بتقليد الداعية عمرو خالد فى بعض البرامج التليفزيونية، والعروض الفنية.

    مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

    avatar

    مُساهمة في السبت سبتمبر 04, 2010 12:17 am من طرف بنت الاسلام

    بصراحة المسلسل ذودها اوى من بداية النص التانى والحلقة بتاعة الراجل اللى بيقلد عمرو خالد دى كانت واضحة جدا ومليئة بالسخرية من عمرو خالد والظاهر كده انى كنت غلطانه فى راْيى لما قلت ان المسلسل حلو ومش منحاز
    لان المسلسل اتغير 180 درجة واللى يتابعه من غير ما يقراْ يلا قى ان حسن البنا ده كان كل هدفه السيطرة على الحكم مش الدين خالص كان عندهم حق اللى انتقدوا المسلسل من البداية
    avatar

    مُساهمة في السبت سبتمبر 04, 2010 1:27 am من طرف eng!neero

    اولا بالبديهه كده مسلسل عن الاخوان الحكومة هتسيبه ازاى ينزل ويكون بيشجع الناس ليهم او يخلى الناس يحبوهو وهم العدو الاول للحكومة
    مكتوب فى امن الدولة يعنى مكتوب ف امن الدولة
    avatar

    مُساهمة في السبت سبتمبر 04, 2010 1:58 am من طرف بنت الاسلام

    بس للاسف هما معرفوش يظبطوا اللعبة صح لان المسلسل فى البداية حسن البنا فيه كان حاجة عظيمة وكيان كده صعب انه يتكرر وبجد الممثل قايم بالدور مفيش بعد كده الغلطة بقى ان مفيش حد بيتغير التغير الحاد ده يعنى مفيش تغير من النقيض للنقيض وبين يوم وليلة كان المفروض تيجى بالتدريج عشان حتى اللى عنده استعداد يصدق يقدر يصدق انما كده اللعبة واضحة جدا والظلم اللى واقع على البنا واضح وضوح الشمس فى ضحاها
    وانا كل اللى غايظنى فى المسلسل ده تقليد عمرو خالد بالشكل المهين ده بس على مين عمرو خالد غنى عن التعريف واعلى من المستوى الحقير اللى هما ظهروه
    avatar

    مُساهمة في السبت سبتمبر 04, 2010 11:29 am من طرف alta

    يعني هما يمسكوا في الناس الكويسه ويصدروا يعني ما في ناس مربيع دقنها وبتقرأ القرأن من الورق واسمهم شيوخ انا عن نفسي بحب عمرو خالد جداااااا
    وزي ما اسامه بيقول اكيد مش هيبقى في صف الاخوان اكيد ضدهم والا مكنش نزل اصلا
    avatar

    مُساهمة في السبت سبتمبر 04, 2010 11:28 pm من طرف QueeN Zamani

    عاوزين يضحكو على الشعب بأى كلمتين
    avatar

    مُساهمة في الأحد سبتمبر 05, 2010 12:05 am من طرف بنت الاسلام

    منهم لله دول مبهدلين الراجل فى المسلسل قال الجماعة هى اللى قامت بالاغتيالات دى كلها
    وقال ايه ناوين يعملوا جزء تانى يعنى ناوين يولعوها
    [quote]


    وحيد حامد يشرع في كتابة الجزء الثاني من ''الجماعة''


    بدأ المؤلف البارز وحيد حامد في كتابة الجزء الثاني من مسلسل "الجماعة" الذي ثار حوله جدلاً كبيراً، من اجل اللحاق بالعرض الرمضاني العام المقبل.

    ويغطي الجزء الثاني فترة الخمسينات والستينات وعلاقة الجماعة بثورة يوليو والحقبة الناصرية والصدام الشديد بينها وبين الرئيس الراحل جمال عبد الناصر عقب حادث المنشية، وخلفاء الأمام حسن البنا في تولي منصب المرشد العام بالجماعة.

    من ناحية أخرى، أكد المنتج كامل أبو علي أنه على ثقة كاملة في كل ما كتبه وحيد حامد في "الجماعة" لأنه عاصر كل مراحل العمل لذلك لم يتردد لحظة في إنتاجه لأنه "بيفتح عيون الناس على الحقائق".

    وقال أبو علي إنه يتحمل مسئولية كل ما جاء في المسلسل، مضيفًا أنه كان يثق في تحقيق العمل نجاحًا كبيرًا في الشارع المصري المتعطش لمعرفة حقيقة هذه الجماعة؛ فهو يسرد حقائق لابد أن يعرفها الناس، معلناً عن استعداده إنتاج الجزء الثاني


      الوقت/التاريخ الآن هو الجمعة أكتوبر 20, 2017 9:26 am