شبكة ابداع

عذرا ... جارى عمل تجديدات شاملة بالمنتدى


    تتجوزيني؟؟؟؟؟؟؟؟؟؟؟؟

    سمريوسف
    سمريوسف
    عضــو مجتهــد
    عضــو مجتهــد

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 25k31pw
    انثى
    العمر : 29
    عدد المشاركات : 1367
    العمل/الترفيه : طالبه
    التقييم : 83

    تتجوزيني؟؟؟؟؟؟؟؟؟؟؟؟ Empty تتجوزيني؟؟؟؟؟؟؟؟؟؟؟؟

    مُساهمة من طرف سمريوسف في الخميس نوفمبر 05, 2009 1:40 am

    بسم الله الرحمن الرحيم
    قصة حب



    تتجوزيني ؟
    ـ أفندم ؟
    ـ بقولك تتجوزيني ؟
    ـ !!!!!


    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني ..
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟
    ـ لا ! .. بصراحة كدة .. إنت مش فارس أحلامي اللي باتمناه !


    ـ تتجوزيني ؟
    ـ إيه ده ؟ شكلك اتغير !
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة
    ـ ودي عدسات خضراء ؟
    ـ أيوة !
    ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي ! .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !


    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده !
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل !
    ـ ممثل إيه ؟
    ـ ممثل أمريكاوي !
    ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش
    دونكي !
    ـ دونكي دي تبقى شتيمة ؟
    ـ أف كورس !


    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟


    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟


    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل !
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا !
    ـ يعني مش هتتجوزيني ؟
    ـ لا !
    ـ كدة أنا أزعل !
    ـ ما تزعلش يا بابا ! .. خليك فريش !
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟


    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !


    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه !
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟!
    ـ روح اتنيل .



    ـ تتجوزيني ؟
    ـ عندك شقة ؟
    ـ طبعًا ! .. أودة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
    شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !



    (وبعد سنوات):
    تتجوزيني ؟
    ـ جبت الشقة ؟
    ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت
    لسبع
    سنوات .. لكن المهم إنها جات .. !
    ـ ـ فانتاستيك !
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !



    ـ تتجوزيني ؟
    ـ إنت تاني ؟
    ـ جبتلك حمّام إنما إيه !
    ـ خليه ينفعك !
    ـ ليه بس ؟ .. ده ينفع لينا احنا الاتنين !
    ـ وأنا مالي ؟
    ـ مش عاجبك .. مش مشكلة .. أكتبه باسمك !



    (بعد سنين) ..
    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم !
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
    خليك
    روش وقول
    I love you !
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟



    ـ تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني !
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..
    ـ رقيقة ؟! .. ده انت بدأتي تقشفي !
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي !
    ـ يعني إيه ؟
    ـ يعني اقطع معايا !
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك !
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟



    ( بعد سنين) ..
    ـ تتجوشيني ؟
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني !
    ـ طيب شاعدني عشان ألاقي النضارة !
    ـ آهي على الترابيزة قدامك !
    ـ فين ؟!!
    ـ لا دي نظارتي أنا !
    ـ أيوة لقيتها ..
    ـ البشيها بقة !
    ـ ططييبب !
    ـ عينيكي فوق شوية .. ده بقك ..
    ـ طيب لبشهالي إنت !
    ـ عقبال ما البشك الدبلة !
    ـ ما تكشفنيش ! .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟!!
    ـ آه !! .. أجوشك !
    ـ بالضااااابط ! .. هاه ؟
    ـ شيبني أفكر !
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش !
    ـ ربنا يوفقك !
    ـ إيه ؟
    ـ ربنا يوفقك !
    ـ بتقول إيه ؟
    ـ ربنا ياخدك !



    (على فراش الموت) :
    ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
    تتكوشـ ..
    كوح كوح .. يني ؟!!
    ـ مش شامعة !
    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح ..
    تتجوشيـ ..
    ؟ كوح .. كوح …….
    ـ أجوش مين ؟!!!
    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ ..
    ش .. كوح
    كوح كيح .. ميـ .. كوح .. مين ؟!!
    ـ إيه ؟ ..
    ـ لا .. كوح .. أبدًا .. كوح .. كنت … كح كح .. بأكح !!
    ـ كنت بتكح ؟!!!! .. شلامتك !! .. ما قلتليش ليه ؟!
    ـ هو .. كوح .. إنتي .. لشة .. عارفـ .. ـة .. كوح كوح !
    ـ بتقول إيه ؟!!
    ـ يا .. ولية .. كوح كوح .. ردي .. كوح كوح .. عليا .. !! .. تـ ..
    تـ .. جو..
    شيـ .. كوح كوح كوح كوح .. نـي ؟!!
    ـ أجوشك ؟!! .. طب بش خد الدوا الأول !
    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
    كوح
    كوح .. ـني ؟!!
    ـ أيوة يا حاج .. موافقة !! .. موافقة إنك تتكوشني ..
    ـ أخيـ….كوح كوح ..راااااً !! .. كوح كوح !! .. كدة أموت .. كوح ..
    كوح .. وأنا
    .. كوح .. مطمئن ومرتاح !! .. الودااا .. كوح ..ع ع ع ع !
    ـ يا حاج .. يا حاج .. لااااااااااااااااااااااااا
    اااا !!
    eng!neero
    eng!neero
    المــــديــــر
    المــــديــــر

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 15n0ryd
    ذكر
    عدد المشاركات : 4038
    العمل/الترفيه : civil engineer
    التقييم : 325

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف eng!neero في الخميس نوفمبر 05, 2009 2:01 am

    هههههههههه

    هو مات وانا الشين علقت معايا بشببه


    ________ توقيعى _________
    تتجوزيني؟؟؟؟؟؟؟؟؟؟؟؟ J9bijc


    تتجوزيني؟؟؟؟؟؟؟؟؟؟؟؟ 149860_459077263094_237793733094_5450494_420915_n[center]


    تتجوزيني؟؟؟؟؟؟؟؟؟؟؟؟ 35c3kae


    [/center]
    سمريوسف
    سمريوسف
    عضــو مجتهــد
    عضــو مجتهــد

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 25k31pw
    انثى
    العمر : 29
    عدد المشاركات : 1367
    العمل/الترفيه : طالبه
    التقييم : 83

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف سمريوسف في الخميس نوفمبر 05, 2009 2:19 am

    ههههه معلش اشامة اهو تدريب عشان اما تكبر
    منه عماد
    منه عماد
    مشرفة سابقة
    مشرفة سابقة

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 2443zb8
    انثى
    العمر : 24
    عدد المشاركات : 3787
    العمل/الترفيه : طالبة / لاعبة basketball
    التقييم : 19

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف منه عماد في الخميس نوفمبر 05, 2009 11:06 pm

    ههههه
    حلوة
    ميرسي سمر
    سمريوسف
    سمريوسف
    عضــو مجتهــد
    عضــو مجتهــد

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 25k31pw
    انثى
    العمر : 29
    عدد المشاركات : 1367
    العمل/الترفيه : طالبه
    التقييم : 83

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف سمريوسف في الخميس نوفمبر 05, 2009 11:56 pm

    العفو منة
    avatar
    زائر
    زائر

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف زائر في الجمعة نوفمبر 06, 2009 7:00 am

    ههههههههههههه
    جامدة موووووت بس الشين
    THE ANGEL
    THE ANGEL
    مشرفة القسم الترفيهى
    مشرفة القسم الترفيهى

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 25k31pw
    انثى
    العمر : 28
    عدد المشاركات : 1333
    العمل/الترفيه : طالبه جامعيه
    التقييم : 62

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف THE ANGEL في الجمعة نوفمبر 13, 2009 6:43 pm

    هههههههههههههههههههههههههههههههههههههههه
    انا كمان الشين علقت معايا سمر ميرسي ليكي حبيبتي


    ________ توقيعى _________
    تتجوزيني؟؟؟؟؟؟؟؟؟؟؟؟ 2qmp5c9
    mooshoo
    mooshoo
    عضــو فضــى
    عضــو فضــى

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 2i6nsyb
    انثى
    العمر : 27
    عدد المشاركات : 583
    العمل/الترفيه : طالبه فى تانيه ثانوى و لاعبه باسكت
    التقييم : 30

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف mooshoo في الجمعة نوفمبر 13, 2009 9:06 pm

    ههههههههههه
    جامده جدا
    بس فعلا حكايتهم طولت اوى هو دا الحب ولاا بلاش
    ههههههههههههههههههههههههه
    ميرسى على الموضوع الجامد دا
    سمريوسف
    سمريوسف
    عضــو مجتهــد
    عضــو مجتهــد

    حالتك ايه دلوقتى ؟ : تتجوزيني؟؟؟؟؟؟؟؟؟؟؟؟ 25k31pw
    انثى
    العمر : 29
    عدد المشاركات : 1367
    العمل/الترفيه : طالبه
    التقييم : 83

    تتجوزيني؟؟؟؟؟؟؟؟؟؟؟؟ Empty رد: تتجوزيني؟؟؟؟؟؟؟؟؟؟؟؟

    مُساهمة من طرف سمريوسف في الجمعة نوفمبر 13, 2009 10:01 pm

    العفو احلي بنونات نورتو الموضوع وانجولة حبيبتي ورومانسية وموشو

      الوقت/التاريخ الآن هو الأحد فبراير 23, 2020 10:01 am