الرئيسية
مش رجولة منك على فكرة .............
مش رجوله منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!
-مش رجوله
منك تعاكس واحدة ف الشارع (أياً كان لبسها) لمجرد انها لوحدها رغم انك
عارف كويس جداً انها لو كانت ماشية مع واحد عمرك ما هتعرف تبصلها (أياً كان
لبسها بردو)
-مش رجوله منك تتنطط وتتشطر بالكلام على واحد مبيعرفش يتكلم رغم انك عارف ان في اللي بيتكلم احسن منك 10 مرات
-مش رجوله منك انك تتريق على اللي رايح واللي جاي لمجرد التريقة وكل واحد فينا فيه العبر
-مش رجوله منك انك تسمع أي نوع من الموسيقى لمجرد انه عاجب اصحابك أو في ناس بتسمعه انتا تحب تكون زيهم وخلاص !!!!!!!
-مش رجوله منك ان قدوتك في الحياة تكون مصارع أو مغني أو حتى ممثل والناس دي في غنى عنك وعن حبك وتشجيعك ويمكن تموت ويموتوا ومتشوفهمش
-مش رجوله منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك
وترجع البيت متحاولش تبص ف وش أمك أو ابوك أو حتى تكلمهم !!!!!
-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....
-ومش رجوله خااااااااالص انك تكون ف نفس المواصلة وتشوف بنت أو ست كبيرة الناس عمالة
تعدي من جنبها وتخبط فيها وانتا قاعد كالثلجة الشمالية !!!!!!!!
((وعموماً......في ناس الكلام مش هيأثر فيهم لسبب بسيط جداً))
" ان الرجولة ملهاش قطع غيار "
