المش شهيد خالد سعيد

الناس والمواقع مش ليها دلوقتي الا الكلام في الموضوع ده


بس السؤال اللي بيطرح نفسه هو اتقتل حقيقي ولا روايه الشرطه هي الصح


الكلام اللي بيتقال هو انه اتحطتله اللفاه غصب عنه وفي التقرير الاول والثاني


مافيش اثر نهائي لكدمات علشان يفتح فمه غصب عنه

التانيه ممكن يكونوا حطولوا اللفافه وهو جاي للمستشفى

طيب ازاي ظهرت عليه اعراض الخنق

والثالثه ممكن وهو بيصرخ من الضرب حطولوه اللفافه طيب هو كانوا عارفيين انه هيموت


وبعدين رده فعل الانسان الطبيعيه انه هيقفل فمه ومتنسوش دي لفافه بانجو

يعني مش لبيايه او فولايه ولا ايه

دي اقوال قرايب المجني عليه

والشرطه مازالت على رأيها حتى الان

واخر الترتيبات لاهل الضحيه انهم هيستعينوا بدول اوروبا وعلى رأسهم الولايات المتحده الامريكيه

وده اسمه كلام طيب يا سيدي خلص حقوقك هنا الاول وخليها ما بينا مش كده ولا ايه

لازم الموضوع في يوم هينتيهي وهنشوف من الظالم ومين المظلوم بين رأيك في هذا الاستفتاء من وجه نظر كل شخص خالد اتقتل ولا اقتل نفسه

ياريت كله يصوت علشان نوصل لنتيجه

شوف يا التا باشا
انت فتحت اكتر من جانب فى موضوعك
الجانب الاول وهو واضح من عنوان الموضوع(المش شهيد) فاْنا من راْيى ان دى حاجة متخصناش شهيد مش شهيد دى حاجة بتاعة ربنا وعلمها عنده
المهم ان خالد مات
ازاى مات بقى هو ده المهم ياترى هو اتقتل ولا انتحر ولا ايه بالظبط
ده اللى انا هتكلم فيه بناءا على وجهة نظرى اللى هى دايما ما تخيبش طبعا ده تواضع منى (اللهم زدنا تواضعا)
خلينا نتكلم بقى فى المهم
اول هام حتة لفافة البانجو دى تفتكر ان فى انسان عادى ممكن يعمل كده هيعمل كده ليه نفرض ان هو كان معاه بانجو فعلا واتمسك بيه يا ترى هيكون عقوبته ايه هيتسجن اد ايه ده حتى لو محامى شاطر يخرجه من القضية زى الشعرة من العجين
الحتة المهمة جدا فى ايه بقى هل يا ترى الموضوع صعب جدا على الطب الشرعى لدرجة انهم مش قادرين يحددوا سبب الوفاة هل هى من الضرب ام اختناق حتى الاتنين جايزين ماهما ضربوه وخنقوه فى نفس الوقت
تانى جزء ليه الحكومة بتقلب فى اللى فات شوية يقولك مفصول من الخدمة العسكرية وشوية تانية يقولك ده مدمن وبيتعدى على والدته بالضرب وغيره وغيره اظن كده الوضوع واضح وضوح الشمس
الحكومة بتحاول تشوشر على الموضوع علشان تغطى فضايحها وتخبى الحقيقة لكن الحقيقة مش بتستخبى وعاجلا او اجلا هتظهر وتبان
ولنفرض ان خالد مدمن وكان معاه مخدرات هى دى الطريقة اللى المفروض يتعامل بيها زى ما هما بيدعوا ان فى قانون كان من الاولى ان القانون ياخد مجراه ولا هى بلطجة وخلاص
اما من ناحية ان اهل خالد يستعينوا بامريكا او غيرها للتحقيق فانا معاهم جدا فى اللى ناوين عليه مادامت حكومتى مجبتليش حقى اشوف بقى اللى يعرف يجيبلى حقى براحتى ولا ايه؟

فى النهايه اللى انا متاْكده منه انه دايما لما بيكون فى اختلاف او تباين فى وجهات النظر وتعارض فى الاراء لازم تبقى متاْكد ان فى حاجة غلط ماهو لو الموضوع كان رسمى صدقنى حكومتنا بالذات مكنتش هتستنى لما الموضوع يكبر بالشكل ده كان هينتهى من قبل اصلا ما يبتدى

the only way to stop them is to face them

سورى على الاطالة وان كانت غير مقصودة
شكرا التا تقبل تحياتى

اولا مفيش حاجه اسمها مخبر يقبض على واحد عادى فى الشارع كده الا لو كان متهم فى قضية وهربان منها
ولو افترضنا انه متهم ازاى هيبقى موجود عادى وسط الناس وازاى يروح سايبر ويدخل نت ويتمشى فى الشوارع عادى وهو متهم وعارف انه مطلوب للمحاكمه مثلا
ثانيا لو هما جايين يقبضو عليه ازاى يبقو مش لابسيين الزى الرسمى بتاعهم
وكمان موضوع اللفافه اللى بلعها دى هو الواحد اصلا بيبلع الاسبرينه بالعافيه ازاى يبلع لفافه زى دى

انت عارف ان المخبرين فى كلامهم بيقولو ان الكدمات اللى جتلو حصلت لما نقلوه فى الاسعاف وقع من على النقاله
ليه الشرطه تقول انه هارب من الجيش ولما تطلع شهادة اداء الخدمة يقولو اصله كان هارب الاول وبعد كده اداها
ايه دخل الموضوع ده فى النص ... عاوزين اى حاجه تبقى ضده وخلاص
ليه لما تامر حسنى هرب من العسكرية محدش عاقبه وده يبقى جزاؤه الموت ... على حد قول الشرطه انه يستاهل لان دى اجد جرائمه السابقه

الموضوع مش محتاج تبريرات دى حكومة خلاص بتودع شكلها والحال مش هيتصلح الا لما تتشال كلها على بعضها

اولا شكرا على الردود وثانيا انا مش ضدد خالد سعيد اطلاقا انا عايز اعرف مين الصح ثالثا انا مش قصدي انه مات من الضرب يبقى شهيد بس متنسيش يا بنت الاسلام انتي كتبتي موضوع بأسم خطاب الشهيد خالد سعيد مش كده ولا ايه وانا نفسي تظهر الحقييقه واتمنى ان متكنش الحكومه مدانه لانها لو كده بجد هيبقى كتيير اوي علينا وشكرا ليك يا اسامه على وشكرا لبنت الاسلام