تحذير هام

بسم الله الرحمن الرحيم
بعد كل التحيه لافراد المنتدى الكرام
تحذير هام جدا


1\ اوعي تخش على اي موقع شات عربي يعني بيضم جنسيات عربيه لانك هتطلع بمليون جنيه شتيمه بعد اما تقول انك مصري عارف ليه علشان المشكله بتاعه المعبر
2\ لو حبيت تكتب اسم بلاش يكون انا مصري \ انا بحب مصر \ انا مصري وابويا مصري
اوعي لانك مش هتخرج سليم
3\ اكتب اي حاجه مثلا جزائري \ مغربي \ ويسلام لو فلسطيني
هتتشال فوق الراس تخش مع واحد مش مصري يقولك شوف العملاء المصريين ما رضوا يفتحوا لنا المعبر الكلاب الصهاينه مش انا اللي بقول ده الكلام ده واحد قالهولي

4\ تخش مع واحد جزائري وانته عامل فيها فلسطيني يقولك
1 2 3 vive Palestine مش كان من شويه الجزائر دلوقتي بقت فلسطين

احلى حاجه في الموضوع ان انا دخلت مع واحد حاطط علم مصر فأنا اطمنت فالمهم دخل معايا في حوار وفجأه انا جزائري وخدت شتيمه بعمري في ناس تقول ده بيألف كنت ممكن اطبع الحوار واحطه بس الكرم اللي فيه افظع من الشتيمه

عيل جاهل يقولي ايه انا مصر فيها 18560 حاله اغتصاب يوميا على اساس ان المجتمع كله حريم المهم خرجت ودخلت مع واحد فلسطيني
قولت ده محترم اتهمني كأني واقف على المعبر ومش راضي افتحله

دلوقتي مصر بقت وحشه

دلوقتي الخوجات بقوا هما الكويسن

الجزائريين والمغربين بقوا هما المنتصرين

ماددام انته راجل يا بتاع الفرنساوي ماتعمل حاجه

او اعرف اتكلم عربي وتعالى
خلاص نسوا مصر علشان مشكله

واحد منا اتقتل بسببهم مش مشكله

لحد امتى هنقول اخوتنا

ده انته واخواتك في البيت بتعملوا مشكله

اللي بيتقال علينا كتير

ومحدش داري بالمشكله

عايزيين يخشوها علشان يدمروها اكتر من كده

احنا بنتشتم وايه تاني اكتر من كده

شاطريين بس نرفع في افلام ونعمل اغاني ومش حسيين باللمشكله


متقولش وانا هعمل ايه انته وانا وهي وهو لو مسكنا خمس من دول في يوم

هنعرفهم ونخلص المشكله

عاشت مصر حره مستقله باللغه العربيه وبالكرامه الغاليه وبالانتصارات الغاليه

وملاحظه اخيره احنا مبعناش ارضنا وقاعديين ادام النت ونقول عايزيين نحرر ارضنا

خلص الكلام وهتعمل ايه في فكره متئصله في عقول ناس معقده

على فكرة انا بخالفك شوية فى الرأى ده لان مصر احسن من كل الدول العربية بالتاريخ وبكل حاجه وبالعلم ويمكن حتى الاخلاق

موضوع المعبر ده الناس اللى مش فاهمين والاعلام المدسوس فيه عملاء وصهاينة وشويه الجزيرة اللى المفروض قطرية
اولا فيه اكتر من معبر لغزة مع ان من اللى بيحصل تحس ان مفيش غيره وان هو شريان الحياه الوحيد لغزه
تانى حاجه المعبر مفتوح وكل المساعدات اللى بتيجى تقريبا بتدخل

معرفش الناس ليه مشوهه منظر مصر لكن لما تلاقى عربيه ع الزيرو داخلة ضمن المساعدات يبقى ده مش شعب مش لاقى الاكل
يا اما بتروح اماكن تانيه

لما تلاقى هجوم الفلسطينيين على المعبر بالاسلحه ... اعتقد ان الافضل كانو يوفرو الرصاص ويبقى الهجوم من عند المعبر الاسرائيلى

انا بعترف ان الحكومة فيها تقصير وانها مش بتعمل كل حاجه فى وسعها
بس كل الناس التانيه عارفه ان موقف الحكومة غير موقف الشعب
بدليل المظاهرات الاحتجاجية اللى الشعب المصرى بيحاول يعبر عن رأيه من خلالها

مش معنى كده انك تخاف تدخل بأسم مصرى واننا نخاف نعبر عن وطنيتنا وانتمائنا

كل اللى بيتكلمو دول مصر هى اللى حررتهم من احتلال الغرب ليهم ومصر اول بلد دافعت عنهم
كلامهم ملوش لازمه وعاوزين الناس تبقى معاهم وخلاص
والفلسطينيين اللى بتقول مش بيحبو مصر
دول اصلا بيبقى جزائريين او اى دول تانيه ضد مصر وعاوزين يعملو فتنة

ماتستغربش ان اسرائيل تعلن فى الفترة الحالية انها الافضل فى الحروب الالكترونية

اكيد عندك حق موضوع المعبر ده عامل مشاكل كتير بس مش لدرجة اننا نتشتم او الكلام ده
مكانة مصر اكبر بكتير من شوية السفهاء ولاد امبارح

على فكرة اى حد بيغلط ف مصر على الشات بيتشتم ويتظبط من المصريين
محدش يقدر يغلط فى مصر
دول كلهم ناس تافهين ويعملو فتنه وخلاص عشان يبعدو العين عن بلاويهم