شبكة ابداع

عذرا ... جارى عمل تجديدات شاملة بالمنتدى


    قراتها فاعجبتنى واريد ان تقراوها معى

    ledo
    ledo
    نائب المدير
    نائب المدير

    حالتك ايه دلوقتى ؟ : قراتها فاعجبتنى واريد ان تقراوها معى 2u56gz5
    ذكر
    العمر : 32
    عدد المشاركات : 6452
    التقييم : 282

    قراتها فاعجبتنى واريد ان تقراوها معى Empty قراتها فاعجبتنى واريد ان تقراوها معى

    مُساهمة من طرف ledo في الجمعة يوليو 31, 2009 9:39 pm


    قراتها فاعجبتنى و اريد ان تقرؤوها معى


    حبيتك لإلتزامك . . . . . . . . . . . . حبيتك لاحترامك
    حبيت فيكي التواضع . . . . . . . . . . . . والعزة اللي ف كلامك
    مبسوط منك لأنك . . . . . . . . . . . . إسلامك كل همك
    أنا أصلي قابلت بابا . . . . . . . . . . . . واداني فكرة عنك
    وسألته عن طباعك . . . . . . . . . . . . إن كانت يعني هادية
    فحكالي عن سماعك . . . . . . . . . . . . لكلامه وانت راضية
    وازاي بتسلي نفسك . . . . . . . . . . . . بذكرك وانت فاضية
    وحلاوة صوت تلاوتك . . . . . . . . . . . . وازاي بتكوني شادية





    وسألته إن كنتي فاهمة . . . . . . . . . . . . معنى كلمة زوجين
    قالي هتكونوا ورقة . . . . . . . . . . . . مطبوعة نسختين
    غني كنت أو فقير . . . . . . . . . . . . ليك عند بنتي دين
    سرك هيكون في بير . . . . . . . . . . . . معرفش مكانه فين
    تفضل دايماً كبير . . . . . . . . . . . . في نظرها حبتين
    لو جيت بفلوس كتير . . . . . . . . . . . . تطمن جت منين

    * * *
    هتكون دايماً معاها . . . . . . . . . . . . سيرتك هتكون هواها
    والشوق اللي ف خيالك . . . . . . . . . . . . تلقاه لحظة لقاها
    لو جيت زعلان ف مرة . . . . . . . . . . . . إرمي همومك وراها
    ومهما شوفت بره . . . . . . . . . . . . مش هتشوف مستواها
    واطمن يابني خالص . . . . . . . . . . . . عقلها مافيهوش تفاهة
    وزي ما هي بنتي . . . . . . . . . . . . بنت حماتها وحماها




    وسألته عن ولادي . . . . . . . . . . . . منك هيكونوا إيه؟
    قاللي هيكونوا عادي . . . . . . . . . . . . فسألته يعني إيه؟!
    قاللي العادي إللي كان . . . . . . . . . . . . عند الناس من زمان
    العادي بتاع سراقة . . . . . . . . . . . . وحذيفة بن اليمان
    العادي بتاع أسامة . . . . . . . . . . . . وابن الحكيم لقمان


    ده العادي بتاعنا إحنا . . . . . . . . . . . . بنربي عليه عشان
    لو جينا ولا رحنا . . . . . . . . . . . . هنقابل الرحمن
    عمرك ما تخاف عليهم . . . . . . . . . . . . ولادك في الأمان
    أنا بنتي هتربيهم . . . . . . . . . . . . ع السنة والقرآن
    هتشوف ابنك بيصحى . . . . . . . . . . . . مادام سمع الأذان
    ينزل في الفجر يقرا . . . . . . . . . . . . بالسجدة والانسان


    هتشوف في حجاب بناتك . . . . . . . . . . . . العفة والإحسان
    هتشوف إزاي مراتك . . . . . . . . . . . . هتعينك إنت كمان


    وسألته عن حياتك . . . . . . . . . . . . من قبل الالتزام
    قال أتذكر في ليلة . . . . . . . . . . . . مش فاكر أنهي عام
    أذان الفجر أذن . . . . . . . . . . . . وقالتلي سيبني أنام
    فدخلت الأوضه جوه . . . . . . . . . . . . أجيب منها الحزام
    وعبال ما رجعت تاني . . . . . . . . . . . . كات رجعت ف الكلام
    الله يجازي الشيطان . . . . . . . . . . . . خلاها تقول أنام
    بس اطمن خلاص . . . . . . . . . . . . دلوقتي بقت تمام!


    * * *
    قدملي مكة كولا . . . . . . . . . . . . قاللي اتفضل وسمي
    أحسن من سكة كولا . . . . . . . . . . . . صدقني وخدها مني



    قلتله طيب ياعمي . . . . . . . . . . . . يسعدني أقولك إني
    بطلب بنتك ونفسي . . . . . . . . . . . . تناسبني وترضى عني
    راح شادد فجأه لبسي . . . . . . . . . . . . وقلب وشه وسألني


    حافظ كم جزء يابني . . . . . . . . . . . . وقاري كم كتاب
    احكيلي كده عن مؤت . . . . . . . . . . . . أوغزوة الأحزاب
    وسمع كم حديث . . . . . . . . . . . . في الأخذ بالأسباب
    وكمان سمعلي آيه . . . . . . . . . . . . ذكرت فيها الدواب
    ولو شايفها صعبة . . . . . . . . . . . . قللي بتاعة الذباب
    واحكيلي حلم يوسف . . . . . . . . . . . . وبراءة الذئاب
    واخواته لما جولوه . . . . . . . . . . . . دخلوا من أنهي باب
    واديني فكرة برضه . . . . . . . . . . . . بتقبض كم ثواب
    وناوي ازاي تحسن ............ ... ........أنا شايفك لسه شاب

    * * *
    وسأل نفسه وسألني . . . . . . . . . . . . هيعوز إيه يعني مني؟
    لو عندي كل حاجه . . . . . . . . . . . . وديني مش شاغلني
    أحسن لك تنسى بنتي . . . . . . . . . . . . ومهرك مش لازمني
    قلتله صبرك ياعمي . . . . . . . . . . . . وبراحتك امتحني
    يبقى اما أسأل تجاوب . . . . . . . . . . . . خليك دايماً فاهمني
    سألتك وانت ساكت . . . . . . . . . . . . خليتني أظن ظني
    وفضل يسأل واجاوب ... . . . . . . . . وعشان خاطرك عصرني
    وظهرت النتيجة . . . . . . . . . . . . وبفضل الله قبلني


    قاللي مقبول في نظري . . . . . . . . . . . . مبروك عليك ياسيدي
    لكن في نظرها هي . . . . . . . . . . . . نجاحك مش بإيدي
    وهي زمانها راجعة . . . . . . . . . . . . من تمرين السويدي
    خليك قاعد شوية . . . . . . . . . . . . استنا لما تيجي
    هعملك من إيديا . . . . . . . . . . . . كباية شاي صعيدي

    * * *
    سابني وقعدت أفكر . . . . . . . . . . . . هل ممكن ترفضيني
    طاب قولي حتى أفكر . . . . . . . . . . . . مش يمكن تفهميني
    وفضل مخي يلاعبني . . . . . . . . . . . . يجيبني ويوديني
    وخايف م المقابلة . . . . . . . . . . . . مرعوب بينك وبيني
    ودق الباب في ثانية . . . . . . . . . . . . وشوفتك مرة تانية
    مش قادر أنسى يومها . . . . . . . . . . . . وفاكر كل ثانية


    ونده والدك عليكي . . . . . . . . . . . . عشان أول لقاء
    دخلتي وشوفت وشك . . . . . . . . . . . . عليه نور الحياء
    نور والله فعلاً . . . . . . . . . . . . مش نور بودرة وزواء
    كان أول مرة أخاف . . . . . . . . . . . . من فتنة النساء
    أخلاقك مش عادية . . . . . . . . . . . . وجمالك كان شفاء

    * * *
    قعدتي جنب والدك . . . . . . . . . . . . وسألتيني وجاوبتك
    وفكل مرة أجاوب . . . . . . . . . . . . كنت باشوف ابتسامتك
    ف أقول من جوه نفسي . . . . . . . . . . . . يارب أكون عجبتك
    وبعد شوية قمتي . . . . . . . . . . . . ندهت عليكي مامتك
    ورحتي دخلتي جوه . . . . . . . . . . . . وراح وراكي والدك
    وانا قلت مش مروح . . . . . . . . . . . . غير لما أكون خطبتك

    * * *
    وابوكي جاني تاني . . . . . . . . . . . . وقرب من وداني
    لابس كرفته سوده . . . . . . . . . . . . وبدله لون فراني
    المنظر يعني كله . . . . . . . . . . . . ميدلش ع التهاني
    قلتله مالك ياعمي . . . . . . . . . . . من فضلك قول عشاني
    عرقي غرقلي كمي . . . . . . . . . . . . سايبني ليه أعاني
    قاللي مستني إيه . . . . . . . . . . . . فين إيدك إديهاني
    البنت مش موافقة . . . . . . . . . . . . تتجوز حد تاني


    كان أول مرة أعرف . . . . . . . . . . . . إزاي الناس بتفرح
    سعادتي كات غريبة . . . . . . . . . . . . مش ممكن هقدر أشرح
    من كتر حبي ليكي . . . . . . . . . . . . نويت أضحي وادبح
    رحت اشتريت خروف . . . . . . . . . . . . وكان خروف بينطح
    ده أخيراً هبقى جوزك . . . . . . . . . . . . وشجرة صبري تطرح

    * * *
    خطوبتنا كات بسيطة . . . . . . . . . . . . مكانش فيها زيطة
    وفرحنا كان في جامع . . . . . . . . . . . . يعني مش خلطبيطة
    ومامتك جت في يومها . . . . . . . . . . . . ورقعت كام سويطة
    هاتولي بنتي منه . . . . . . . . . . . . دي مش فاهمة العبيطة
    إنه هيخطفها مني . . . . . . . . . . . . وهتوحشني الغتيتة

    * * *
    صعبت عليا مامتك . . . . . . . . . . . . الموقف كان شديد
    لكن فعلاً خطفتك . . . . . . . . . . . . ورحنا مكان بعيد
    فاكرة ولا انتي ناسية . . . . . . . . . . . . أكيد فاكرة أكيد
    من يوم ما بقيتي زوجتي . . . . . . . . . . . . وانا متهني وسعيد
    معايا ف كل يوم . . . . . . . . . . . . ويوم لؤاكي عيد
    عمرك ما دقتي نوم . . . . . . . . . . . . وانا تعبان أو مريض
    فلوسي كات بتكتر . . . . . . . . . . . . والخير عندك يزيد
    وعامله ليه دفتر . . . . . . . . . . . . ومرتبه المواعيد
    وبفضل الله قدرتي . . . . . . . . . . . . وجبتيلي الوليد
    وبعديها بشوية . . . . . . . . . . . . جبتيلنا عليه يزيد
    وبعديه جت سمية . . . . . . . . . . . . وآخرهم كان حميد


    بدعيلك كل يوم . . . . . . . . . . . . وأفضل أعيد وازيد
    ربيتي عيالي دول . . . . . . . . . . . . ع القرآن المجيد
    طول عمرك وانتي صافية . . . . . . . . . . . . قلبك لون الجليد
    أخلاقهم مش عادية . . . . . . . . . . . . طلعنلك مش بعيد
    وليد دلوقتي ضابط . . . . . . . . . . . . ومعاه رتبة عقيد
    ودعوة قلبي صابت . . . . . . . . . . . ويزيد أهو مات شهيد
    وبنتك صيدلية . . . . . . . . . . . . وحميد أصبح معيد
    الله برحم أبوكي . . . . . . . . . . . . راجل من نوع فريد
    كل اللي قاله فيكي . . . . . . . . . . . . أنا عشته بالتحديد


    عشت معاكي ف حكاية . . . . . . . . . . . . أحلى وأجمل رواية
    حكايتي كات معاك . . . . . . . . . . . . وحكايتك كات معايا
    اديتك كل عمري . . . . . . . . . . . . وهمك كان رضايا
    وعمرك خدته منك . . . . . . . . . . . . وقربك كان دوايا
    وخلاص العمر راح . . . . . . . . . . . . راحت أيام صبايا
    ومسافر رحله صعبة . . . . . . . . . . . . وزادي مش كفايه
    مش عاوز أشوف دموعك . . . . . . . . . . بالذات ف يوم عزايا
    أنا عارف إنتي عارفة . . . . . . . . . . . . إن الموت مش نهاية
    دي لسة الرحلة طالعة . . . . . . . . . . . . والموت خط البداية
    إدعيلي يمكن أوصل . . . . . . . . . . . . وأشوف هناك حمايا
    أنا عارف إنه فيها . . . . . . . . . . . . محجوزله هناك سرير

    وسلامي في النهاية . . . . . . . . . . . . أنا خلصت الحكاية
    لو يوم فكرتي فيه . . . . . . . . . . . . إقري شعري وغنايا
    وأمانه ف كل مرة . . . . . . . . . . . . تدعي لي بالهداية
    عسى ربي بدعائك . . . . . . . . . . . . يغفر ليا الخطايا




    قراتها فاعجبتنى واريد ان تقراوها معى 2870_89773706544_520201544_2156626_1150405_n


    عدل سابقا من قبل ledo في السبت أغسطس 01, 2009 12:49 am عدل 1 مرات

    eng!neero
    eng!neero
    المــــديــــر
    المــــديــــر

    حالتك ايه دلوقتى ؟ : قراتها فاعجبتنى واريد ان تقراوها معى 15n0ryd
    ذكر
    عدد المشاركات : 4038
    العمل/الترفيه : civil engineer
    التقييم : 325

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف eng!neero في الجمعة يوليو 31, 2009 11:23 pm

    الله يا ليدو جامد جدا مع انه طويل بس قرأته كله من حلاوته والله
    والكلام ده حقيقى ان السعاده الحقيقية ف القرب من ربنا


    ________ توقيعى _________
    قراتها فاعجبتنى واريد ان تقراوها معى J9bijc


    قراتها فاعجبتنى واريد ان تقراوها معى 149860_459077263094_237793733094_5450494_420915_n[center]


    قراتها فاعجبتنى واريد ان تقراوها معى 35c3kae


    [/center]
    ledo
    ledo
    نائب المدير
    نائب المدير

    حالتك ايه دلوقتى ؟ : قراتها فاعجبتنى واريد ان تقراوها معى 2u56gz5
    ذكر
    العمر : 32
    عدد المشاركات : 6452
    التقييم : 282

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف ledo في السبت أغسطس 01, 2009 12:44 am

    فعلا من شاب على شىء شاب عليه

    diaa_alquraan
    diaa_alquraan
    مشرفة القسم الاسلامى
    مشرفة القسم الاسلامى

    حالتك ايه دلوقتى ؟ : قراتها فاعجبتنى واريد ان تقراوها معى 13ygltu
    انثى
    العمر : 29
    عدد المشاركات : 1878
    العمل/الترفيه : طالبه جامعيه
    التقييم : 36

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف diaa_alquraan في السبت أغسطس 01, 2009 9:37 pm

    لو جينا ولا رحنا . . . . . . . . . . . . هنقابل الرحمن

    الله عليك

    حقيقى راااااااااائع اوووووووووى

    شكراااا ليدو

    :7_17_4:



    ________ توقيعى _________
    قراتها فاعجبتنى واريد ان تقراوها معى 2mm8sxt 

    ربــــــــي لا أدرى مــــــــا تحملــــــه لـــــي الأيــــــــــام
    لكـــــــن ثقتــــــــي بـــــأنك معــــــي تكفينـــــــي ،
    سبحــــــانــــــــك مـــــا أحلمـــك و بحــــــالي مـــــا أعلمـــــك
    وعلـــــى تفــــريـــــج همـــــي مـــــــا أقـــــدرك
    ،

    ledo
    ledo
    نائب المدير
    نائب المدير

    حالتك ايه دلوقتى ؟ : قراتها فاعجبتنى واريد ان تقراوها معى 2u56gz5
    ذكر
    العمر : 32
    عدد المشاركات : 6452
    التقييم : 282

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف ledo في السبت أغسطس 01, 2009 11:03 pm

    العفو

    TiTooo
    TiTooo
    عضــو ذهبــى
    عضــو ذهبــى

    حالتك ايه دلوقتى ؟ : قراتها فاعجبتنى واريد ان تقراوها معى 15h0j0l
    ذكر
    العمر : 33
    عدد المشاركات : 780
    التقييم : 3

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف TiTooo في الأحد أغسطس 02, 2009 8:04 am

    هو مات ولا لسه اصلى حسيت ف الاخر انه بيودع بس بجد جااامد يا ليدو
    ledo
    ledo
    نائب المدير
    نائب المدير

    حالتك ايه دلوقتى ؟ : قراتها فاعجبتنى واريد ان تقراوها معى 2u56gz5
    ذكر
    العمر : 32
    عدد المشاركات : 6452
    التقييم : 282

    قراتها فاعجبتنى واريد ان تقراوها معى Empty رد: قراتها فاعجبتنى واريد ان تقراوها معى

    مُساهمة من طرف ledo في الأحد أغسطس 02, 2009 11:32 pm

    شكرااااااااااااااا شباب على الردود الجميلة دى


      الوقت/التاريخ الآن هو الجمعة فبراير 28, 2020 5:35 am