شبكة ابداع

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
شبكة ابداع

عذرا ... جارى عمل تجديدات شاملة بالمنتدى


3 مشترك

    .........نكت 2010 ...........

    ledo
    ledo
    نائب المدير
    نائب المدير


    حالتك ايه دلوقتى ؟ : .........نكت 2010 ........... 2u56gz5
    ذكر
    العمر : 36
    عدد المشاركات : 6452
    التقييم : 282

    .........نكت 2010 ........... Empty .........نكت 2010 ...........

    مُساهمة من طرف ledo السبت سبتمبر 26, 2009 3:42 am


    بيقولك مرة فار ماشى مع خطيبته فى الغابة وفجاة لاقى الاسد

    فحب يعمل راجل قدام خطيبته فراح للاسد قاله: انت يا حيوان

    الاسد رد قاله: انت بتشتمنى انا ؟؟

    رد الفار وقاله: ايوة بقلك انت
    و مشى الفار وراح وصل خطيبته لبيتها

    وهو راجع قابله الاسد قالوا : انت كنت بتشتمنى انا يا فار؟؟

    قالوا: لا والله دا انت ملك الغابة هو حد يقدر يشتمك؟؟

    أنا بس كنت بعمل شويتين كدا قدام البت .. انا اسف وهات راسك ابوسها

    طلع الفار على راسوا عشان يبوسها فلقى خطيبتوا معديه

    فقال للاسد: ادوس على دماغ امك دلوقتى؟؟؟


    --------------------------

    فصل كله حولان بعيد عنكم

    و كل واحد بيكتب في كشكول اللي جنبه

    المدرسة قالتلهم اللي هايكتب في كشكوله هاديه شكولاتاية

    واحد كتب في كشكوله فرحت بيه واديته الشكولاته قام حطها في بؤ اللي جنبه



    --------------------------

    واحدة زعلانة قوي من جوزها علشان شباك الحمام مكسور ومش راضي يصلحه

    فبتقوله: يرضيك حد يشوفني وانا باستحمى؟؟

    قالها ياستي اللي هايشوفك هايصلح الشباك بنفسه



    --------------------------

    في واحد قاعد في القطار سأل اللي جنبوا أنت بتشتغل إيه

    قاله فناااان

    قاله فنان يعني بتغني؟ قاله لأ

    قاله بترسم؟ قاله لأ

    قاله فنان إيه؟ قاله فناااااان .. بحط االعيش في الفنن

    (( فن يا معنم ))

    --------------------------

    مره واحد بيحلف بالطلاق كتير

    ابوه ضربه وقاله هاتحلف بالطلاق تاني ؟

    !! قال له: عليا الطلاق منا حالف بالطلاق تاني



    --------------------------

    بيقولك مره واحد بخيل

    ابنه: بابا انا عايز 50 قرش

    أبوه: انت عايز 40 قرش هاتعمل ايه بال 30 ممعاييش غير ريال تاخد بريزه



    --------------------------

    مرة واحدة كل ماتشوف جوزها تقولوة ياعم روح هات

    هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا

    المهم قالها انتى ايه ياشيخة انتى مافيش مرة تقولى خد ؟

    قالتلوة طيب خد التلفزيون صلحه



    --------------------------

    ابو العربى فى حرب اكتوبر راكب فلوكه فى القنال وبيحكى ويقول

    لقيت فوقى واد طيار اسرائيلى اول ما شفنى حدف عليا صاروخ قمت زقيته

    راح حادف واحد تانى وطيت راسى راح جاى فى الفلوكه

    وقعت فى المية واتشعلقت فى خشبة وقعدت اجدف بيدى

    حدف عليا صاروخ تانى قمت غاطس فى القنال

    برده لقيته نازل بالطيارة عليا وقرب منى خالص وحدفلى سيجارة مارلبورو وقال لي .. جدع يلاااا



    --------------------------

    مره اتنين داخلين محل جزم هو ومراته

    فقال لصاحب المحل هتلها جزمه زحافي قالتله لا بكعب

    قالها لا زحافي قالتله لا بكعب

    فصاحب المحل زهق منهم قال للراجل ياعم هاتلها بكعب هو انت اللي بتلبس

    قالوا ياعم انت مالك هو انت اللي بتضّرب



    --------------------------

    مرة واحد اشترى غسالة فول أوتوماتيك

    مراته عزمت الجيران علشان يشوفوها حطت في الغسالة 20 كيلو غسيل

    والغسالة يا عيني بتاخد بس 7 كيلو بس

    وشغلتها والجيران باركولها وعزمتهم على كباية شاي

    وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة

    شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره



    --------------------------

    اتنين متجوزين كل ما يخرجوا فى حته مراته تقوله عايزة اروح جنينة الحيوان عند القرود

    و كل يوم تروح عند الجبلاية و تفضل تأكل القرود

    لغاية يوم الولادة دخلت تولد و لما الممرضة خرجت سألها الاب اية ولد ولاّ بينت؟

    فقالت له الحقيقة يافندم ملحقناش نعرف .. اول ما المولود نزل نط من الشباك



    __________________


    واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
    .المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس


    مرة فيل اتجوز نمله وبعد ايام زهق منها فقالها انتي طالق
    فقالتله والفيل اللي في بطني






    مسطول راح المحكمه القاضى بيسأله انت متجوز مين؟قاله متجوز واحده ست
    القاضى:انت بتهرج هو فى حد بيتجوز واحد راجل
    المسطول:اه اختى









    كان فى مرة واحد دماغه بتلف
    راح يقابلها من الشارع اللى وراه




    مره واحد بخيل قوى خبط فى حيطه اتعور جامد اوى وقعد ينزف
    شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا


    رئيس دوله صغيره راح زياره للصين
    رئيس الصين بيقله احنا عددنا 900 مليون نسمه انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه


    مرة واحدة قالت لحبيبها البخيل
    (اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى


    مرة واحد جزار قال لمراتة : انت ما حطيطيش
    احمر لية قالتلة: الاحمر خلص احطلك دهن


    مرة واحد واقف قدام التلاجة بيفتح الباب بتاعها براحة
    ويقفلة تانى جة صاحبة وقالة لية كدة قالة اموت واعرف مين بيطفى النور من جوة


    مره واحدصعيدى جاب عربيه اوتوماتيك.
    . راح قاطع رجله الشمال



    مرة واحد صعيدي حب يعمل روش
    كتب على الشومة أديدس


    اتنين مساطيل طينة طلبت معاهم ان اول واحد هيعدى من الشارع
    يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها




    العلم لا حدود له
    الابداع لا حدود له
    وانا لا حدود لي
    ledo
    avatar
    زائر
    زائر


    .........نكت 2010 ........... Empty رد: .........نكت 2010 ...........

    مُساهمة من طرف زائر السبت سبتمبر 26, 2009 10:45 am

    .........نكت 2010 ........... 614148
    alta
    alta
    مشرف المواهب الشخصية
    مشرف المواهب الشخصية


    حالتك ايه دلوقتى ؟ : .........نكت 2010 ........... Jhqaop
    ذكر
    العمر : 31
    عدد المشاركات : 1114
    العمل/الترفيه : الكمبيوتر
    التقييم : 54

    .........نكت 2010 ........... Empty رد: .........نكت 2010 ...........

    مُساهمة من طرف alta الأحد سبتمبر 27, 2009 3:09 am

    والله جامد اخر واول نكته جامديين جدا تسلم يا غالي :موضوع رائع:
    ledo
    ledo
    نائب المدير
    نائب المدير


    حالتك ايه دلوقتى ؟ : .........نكت 2010 ........... 2u56gz5
    ذكر
    العمر : 36
    عدد المشاركات : 6452
    التقييم : 282

    .........نكت 2010 ........... Empty رد: .........نكت 2010 ...........

    مُساهمة من طرف ledo الأحد سبتمبر 27, 2009 4:07 am

    فعلا معاك حق جمال الاولى والاخيرة
    THE ANGEL
    THE ANGEL
    مشرفة القسم الترفيهى
    مشرفة القسم الترفيهى


    حالتك ايه دلوقتى ؟ : .........نكت 2010 ........... 25k31pw
    انثى
    العمر : 32
    عدد المشاركات : 1333
    العمل/الترفيه : طالبه جامعيه
    التقييم : 62

    .........نكت 2010 ........... Empty رد: .........نكت 2010 ...........

    مُساهمة من طرف THE ANGEL الأحد سبتمبر 27, 2009 7:40 am

    كلهم جامديييييييييين بجد ياليدو والله واللي في الاول دول روعه ربنا يفرحك بقدر ماضحكت اللي شاف موضوعك :8_5_19:

      الوقت/التاريخ الآن هو الخميس مارس 28, 2024 11:32 pm